Çalakîya keyeyê Şenyaşarî 696ine rojî yo dewam kena 

2023-02-02 15:16:44


	 

	 

	RIHA - Çalakîya "Nobeta Edaletî" ya keyeyê Şenyaşarî 696 rojî yo dewam kena. Keyeyî nê mesajî pare kerd: “Edalet, qurbanê wekîlêk AKPyî kerdê.”

	 

	Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê hezîrana serra 2018ine de Pirsûsê Rihayî de hêrişê keyeyê Şenyaşarî kerd. Netîceyê hêrişî de mêrde û di lajê Emîne Şenyaşare ameyî qetilkerdiş. Emîne Şenyaşar û lajê aye Ferît Şenyaşar ke bi birîndarî qirkerdişî ra xelas bîbî, 9ê adara serra 2021ine de vernîya Edlîyeyê Rihayî dest bi çalakîya Nobeta Edaletî kerdibî. Çalakîya keyeyî roja 696ine de dewam kerd. Emîne Şenyaşare seba ke nêweş bî, nêeşka tewrê nobete biba. Ferît Şenyaşar ame vernîya Edlîyeyê Rihayî û nobeta xo dewam kerd.

	 

	Keyeyî serê hesabê xo yê medyaya dîjîtale de nê mesajî pare kerd: “Paytextê Îslamî yê 2023ine yê Rihayî de edalet qurbanê parlamenterêk @akpartiurfa ameyo kerdiş. Lazimî bi vatişêk bîn çin o! Têkoşînê ma roja 696ine de yo.”