
Qerarê ke seba Şebneme ame dayîş do berê îstînafî 

2023-01-20 14:11:50


	&nbsp;

	&nbsp;

	STENBOL - Bi îdîayê ‘propagandaya rêxistine’ 2 serr û 8 aşmî û 15 roje ceza Sereka Konseyê TTByî û Pispora Tibê Edlî Prof Dr. Şebnem Korur Fîncancîye ameye birnayîş û avûkatê aye Hulya Yildirime dîyar kerd ke qerar ne adilane yo û do muracatê Mehkemaya Îstînafî bikerê.

	&nbsp;

	Sereka Konseya Merkezî ya Yewîyanê Tabîbanê Tirkan (TTB) û Pispora Tibê Edlî Prof Dr. Şebnem Korur Fîncanci seba ke derheqê şuxulnayîşê çekanê kîmyewîyan ê dewleta tirke de qisey kerd sey hedefî amebî mojnayene. Fîncanciye 26ê teşrîna verêne de çarçeweya cipersayîşê 'propagandaya rêxistine' ke hetê Serdozgerîya Komere ya Anqara ra ameybî akerdiş de Stenbol de keyeyê xo de ameybî destbendkerdene û dima ra ameybî tepiştiş. 3 roniştişê dewaya Şebneme 24ine Mehkemaya Cezaya Girane ya Çaglayanî yê Stenbolî de ameybî dîyîş.&nbsp;

	&nbsp;

	Heyete mehkema bado ke maben da qerarê xo eşkera kerd û qerar da ke Şebneme rê sucê 'propagandaya rêxistine' ra 2 serr, 8 aşm û 15 roje cezaya zîndanî bêra birnayîş û sewbîna derheqê aye de qerarê tehlîyekerdişî da.

	&nbsp;

	Avukata Şebneme, Hulya Yildirime derheqê îdîanameyo ke ame hadrekerdiş de, qeraro ke ameyo dayîş û hewldayîşê ke bikerî de ercnayîşan kerd.

	

	Îşkenceyê teberi vilayê teberi bîyo

	&nbsp;

	Hulyaye da zanayîş ke prosesê destbendkerdişî ra heta tehlîyekerdişê Şebneme binpaykerdiş virazîyayî û vat ke no nîno qebulkerdiş. Hulyaye wina dewam kerd: “Çi heyfo ke welatê ma de binpaykerdişê heqan û îşkence yeno cuyayîş. Tepişteyan wexto ke benî nêweşxaenyan bi kelemçeyan benî. No caardiş xirab o. Caardişê îşkenceyî tena zîndanan de nê her raşteyî de yeno cuyayîş.”&nbsp;

	&nbsp;

	Hulyaye bala ant îdîanameyo ke derheqê Şebneme de ameyo hadrekerdiş ser û vat ke mîyanê îdîanameyî de çîyêk bêro eşkerakerdiş çinî yo.&nbsp;

	&nbsp;

	‘Cigêrayîş hetê heyetanê xoseran ra nêame kerdiş’

	&nbsp;

	Hulyaye bale ant pawitişê avûkatan yê ke tewrê roniştişî bîyî ser û wina dewam kerd: “Pênêameyîşê cigêrayîşî hetê heyetanê xoseran ra babeta ercnayîşî yê cîya ya. La tu dezgehê dewlete nêeşkeno nê çîyî sey îftira bi name bikerî. Temamê roniştişan de heqê pawitişî ame sînorkerdiş. Vera hetê ci yê huqûqî çinî boz î bi hawayêk bêhuqûqî bi hirê avûkatan pawitiş sînor kerdî.”

	&nbsp;

	Avukat do muracatê îstînafî bikerê

	&nbsp;

	Hulyaye dîyar kerd ke qerarê cezaya 2 serrî, 8 aşmî û 15 rojan ke Şebneme rê ameya birnayîş qerarêk adilane nîyo û vat: “Goreyê ma dadger zî baş zano. Ma do derheqê qerarî de muracatê Mehkemaya Îstînafî bikerê.”

	&nbsp;