‘Tecrîd yeno manaya, weçînayîşê şert û mercê şerî yo’ 

2023-01-16 15:51:28


	 

	 

	ANQARA - Wekîlanê HDPyî Nobeta Edaletî de vat: ''Ma venga pêro kesan danê ke vera polîtîkayanê tecrîdî, sîyasetê şer û nêçareserkerdişî mil bi mil vinderê.''

	 

	Wekîlê HDPyî roja 18ine de Nobeta Edaletî ya vera tecrîdê serê Rayberê PKKyî Abdullah Ocalanî dewam kenê. Wekîlî Zeynel Ozen, Feleknase Uca, Kemal Pekoz, Musa Pîroglu, Dîlane Dîrayet Taşdemîr, Dêrsime Dag û Celadet Gaydali tewrê nobete bîyî.

	 

	Musa Pîrogluyî nameyê wekîlan ser o qisey kerd û ard ziwan ke mabênê tecrîdê Îmraliyî û nêzdîbîyayîşê dewlete yê vera kurdan de yew eleqe est o. Musayî vat: ''Meseleya kurdan de adresê çareserîye Îmrali yo. Sea ke çareserîye nêra caardene Birêz Ocalan yeno tecrîdkerdene. Seba ke na mesele çareser nêbena nê welatî de zorbazîye û teda zêdîyenê. Weçînayîşî hê benê nêzdî. Girankerdişê tecrîdî yeno a mana ke sîyasetê şerî beno giranêr û sindoqî mîyanê zorbazîye de ronîyenê. Heta ke îqtîdar şerî rê dewam bikero çew do azad nêbo, kedkarî do heqê xo nêgêrê û xizanîye do biba pîlêr. Eke ma çareserîye wazenê ganî hetê şarê kurdî de vinderê. Seba çareserîye zî ganî hêverî tecrîdê Îmraliyî bêro wedaritene. Vervejîyayîşê tecrîdî vervejîyayîşê tecrîdî yo. Ma venga pêro kesan danê ke vera polîtîkayanê tecrîdî, sîyasetê şer û nêçareserkerdişî mil bi mil vinderê.”