Çalakîya ‘Nobeta Edaletî’ ya keyeyê Şenyaşarî dewam kena 

2023-01-14 16:08:07


	 

	 

	RIHA - Çalakîya "Nobeta Edaletî" ya keyeyê Şenyaşarî 677 rojî yo dewam kena û çalakîya ewro de wina ame vatiş: "Ma do bi waştişê xo yê heq, huqûq û edaletî 17ê çelî de Meletî de bê.” 

	 

	Merdim û pawitoxê Parlamenterê AKPyî Îbrahîm Halîl Yildiz 14ê hezîrana serra 2018ine de hêrişê dikanê keyeyê Şenyaşarî yê Pirsûsî yê Rihayî kerd. Netîceyê hêrişî de mêrde û 2 lajê dayîka Emîne Şenyaşare ameyî qetilkerdiş. Emîne Şenyaşar û lajê ci Ferît Şenyaşar ke qirkerdiş ra bi birîndarî xelisyabî, 9ê Adara 2021ine de vernîya Edliyeyê Rihayî de dest bi Nobeta Edaletî kerdî. Seba ke ewro edliye padaye ya, keyeyî banê xo yê Pirsûsî de roja 677ine de çalakiya xo dewam kerd.

	 

	Keyeyî serê hesabê xo yê Twitterî de wina vat: “Seba hukmat pey parlamenterê ke sûc kerdo de yo, di serrî yo verê edlîye de ronişnenê. Heme heqîqet vejîya werte. Ak Partî û hukmat xo kerr, kor û lal keno. Ma bi waştişê xo yê heq, hiqûq û edaletî 17’ê çele de Meletî de bê.”