Mêrdîn de fîrazkerdişê serra neweyî 

2023-01-13 15:30:59


	 

	 

	MÊRDÎN - Komeleya Kultur û Hunerî ya Mezopotamyayî Qoser de şahîya serra neweyî organîze kerd.

	 

	Şarê kurdî serserra xo goreyê teqwîmê Rûmî pîroz keno goreyê teqwîmê Mîladî 13 rojî dima ra yo. Şahîya Serrneweyî vizêr ra dest pêkerd. Na çarçewa de Komeleya Kultur û Hunerî ya Mezopotamyayî Qoser de şahîya serra neweyî viraşt. Xeylêk kesî tewrê şahîye bîyî. Xebatkarê Komeleye kuçeyê qeza gêrayî û erbenayan dayî piro. Dima ra bînaya komeleye de tîyatro ame pêşkêşkerdiş û deyîrî ameyî vatiş.