
Çeteleyê şîdetî yê aşma Kanûne: 20 cinî ameyî qetilkerdiş 

2023-01-06 14:34:11


	&nbsp;

	&nbsp;

	MERKEZÊ XEBERAN - Goreyê dayeyê aşma Kanûne camêrdan tewr tay 20 cinî û 3 tutî qetil kerdî. Sewbîna 9 cinî û tutêk zî bişik dinyaya xo bedelnayî.

	&nbsp;

	Kurdistan û Tirkîya de qirkerdişê cinîyan resa sewîyeya corî û hukmî şikdaran pawenê. Nimûneyê peynî qezaya Saruhanli yê Manîsayî de ame ciwîyayîş. Camêrdo bi nameyê Necatî Akpinar cinîya bi nameyê Mutlu Menekşeye bi mehrê dînî pê reyde zewicandî qetil kerd. Dima ra vejîya werte ke şikdarî 1984ine de Emîn Aya pê reyde zewicandî qetil kerde, ameyo tepiştiş û ameyo tahliyekerdiş, eynî wextî de cinîya xo ya diyîn Fatma A zî 2003ine de qetil kerda. Vejîya werte şikdar 2 serrî verê ameyo tahliyekerdiş û aşmêke zî bi Mutlu M.ra bi mehreyê dînî ci reyde zewicnayebî.

	&nbsp;

	Goreyê dayeyê ma arêdayê Kanûna 2022ine de 20 cinî û hîrê tutî ameyî qetilkerdiş 9 cinî û tutêk bişik dinyaya xo bedelnayî. Bi bîlançoyî reyde dayeyê 2022ine zî vejîyayî werte. Bi aşma kanûne de serrêke de 350 cinî ameyê qetilkerdiş û 212 cinî bişik dinyaya xo bedelnayê.&nbsp;

	&nbsp;

	Goreyê dayeyê 7 cinî hetê mêrde, 3 hebî hetê embaz, 3 hebî hetê merdim, 2 hebî hetê camêrdê ke dest ci ra vera dayê, yew hetê camêrdê ci dir sewîyeya destverdayîşî de û yew zî hetê camêrdo ke fek vera dabi ra ameye qetilkerdiş.&nbsp;

	&nbsp;

	Kocaeliyî de 2, Stenbol de 2, Enqere de &nbsp;2, Amed de 2, Îzmîr de 2, Sêrt de yew, Riha de yew, Colemêrg de yew, Denîzlî de yew, Antalya de yew, Bartin de yew, Isparta de yew, Balikesîr de yew, Eskîşehîr de yew, Manîsa de zî cinîyêke ameye qetilkerdiş.

	&nbsp;