‘Evîn Goyî her tim seba cinîyan nimûneyê cinîya têkoşer bî’  

2023-01-04 14:51:45


	 

	 

	Medya Uren

	 

	AMED - Raybera Tevgerê cinîyê Kurdî Evîn Goyî cayê qirkerdişê serra 2013ine de bi eynî komplogerî ameye qetilkerdiş. Rêhevala aye Cahîde Evîn serê têkoşînê aye de qisey kerd û wina vat: “Aye tutîya xo de bi heskerdişê koyan û welatî reyde pîl bî. Her tim bi seknê xo seba şarî û bi xususî zî seba cinîyan bî nimûne. Hemverê eşîr û hemverê îqtîdarê dewlete de bî serkêşa tewr pîl.”

	 

	Yew raybera tevgerê cinîyê Kurdî Evîn Goyî (Emîne Kara) cayê tewrbîyayîşê Qilabanî ra heta koyan, Rojawan û Ewropa ra bi vindertişê xo bî serkêş. Seba cinîyê kurdî û heme Rojhelatê Mîyanên yew cinîya nimûne bî. Dimayê 10 serran cayê şehîd Sakîne Cansiz ci de ameya qetilkerdiş, Parîs de 23yê Kanûna 2022ine de komploya diyîn pê ame û raybera cinîya kurde Evîn Goyî hedef ameye girewtiş.

	 

	Evîn Goyî serra 1977ine de dewa Hilal a girêdayê qezaya Qilabanê bajarê Şirnexî de ameye dinya. Serrê 1988ine de zî beşdarê mîyanê refê gerîla bena. Keyeyê aye zî seba hêrişê dewleta tirke yê serra 1993 – 1994ine de koçê Başûrê Kurdistanî bena. Evîn Goyî sere de koyan de wezîfe gêna û dima ra zî xeylêk wareyan de kedêke pîl dana. Wargehê multecîyan ke keyeyê aye zî koçber bîya û Başûrê Kurdistanî de zî şuxulêna. Demê çeteyê DAÎŞî hêrişê Şengalî kena aye komelê êzidî pêşwazî kena û înan derbazê Rojawanî kena. Rojawan de zî mîyanê şerî de hemverê çeteyan xover dana û  birîndar bena. Dimayê ke birîndar bena, seba tedawî derbazê Ewropa bena.

	 

	Derheqê Evîn Goyî rêhevala aye ya bi serran Cahîde Goyî ajansê ma rê qisey kerd.

	 

	‘Mîlîtanêke rast û rêhevalêke rast bî’

	

	 

	Cahîde bale ant serê rêhevaltiya Evîne û wina vat: "Evîne raywanîya têkoşînê azadîye de wayîrê kedêke pîl bî. Aye emrêk qij de nê rayîrî weçîna û eşqê xo ya azadîya bi nê reyde pawit. Aye tutîya xo de zî wayîrêk taybetmendîyêk pirr heskerdiş û bi hêz bî. Têkoşînê azadîye de zî a taybetmendîya xo laver berdêne. Bî têkoşerêk cinîya her het re pirrî. Bi hetê xo yê heskerdişê xozaya Kurdistanî, rêhevaltîya xo reyde xeylêk ameyîne naskerdiş. Bi taybetmendîyê ci yê balkêş bî ke wazena bi taybetî dîyar bikerê. Bi her kesî reyde eşkayîne hevaltîyêk xurt bikera. Bi qij û pîlan reyde eynî bî. Her wext xeylêk nazîk bî û weş qisey kerd. Mîlîtanêk rast û rêhevalêk rast bî."

	 

	‘Cinîya fedekar û kedkara Botanî ya Evîne’

	 

	Cahîde da zanayîş ke Evîne, cinîya fedekar û kedkara Botanî ya. Cahîdeya her tim heskerdişê aye ya welat û koyan ra ana vîr û wina dewam kena: “Evîne hemverê koyan û welatî de hîsê wetayêr hîs kerdêne. Ma eşkenê tewrbîyayîşê aye yê mîyanê refê gerîla zî nê çî baş fam bikerê. Eynî wextî de bi pêroyîyê beşdarbîyayîşê cinîyêke şerm ameyîne vînayîş. Mîyanê Goyan de zî no hişmendî serwer bi. Her çiqas no hişmendî bibo zî mîyanê xo de xeylêk eşqdarê seke Evîne pîl kerdî. Evîne zî înan ra yewe bî ke heskerdişê aye pêro dêsan şerm û tersî rijna.”

	 

	‘Bi beşdarbîyayîşê xo reyde tesîrêk pîl awan kerd’

	 

	Cahîde prosesê Evîne beşdar bîya de nê vatişan temam kerd: “Yew herêmêk xeylêk teda û zulm ameyîne kerdiş zî Qilaban bi. Eynî wextî de polîtîkayêk taybetî yê bê zanist û peyserî ferz kerdêne rayra berdêne. Ez eşkena vajî heme kesê tîya beşdar bîyê bi hawayêke hîsgêr, seba heskerdiş û heyfgirewtişî wuştî. Seba tena rayîrêk estbi verê xo bidê Kurdistanî yan zî ti do binê tedayan de bi teslîmbîyayîşê sîstemî reyde çin bibê.  Evîne hemverê zulm û eşirtî rawuşte. Emrê xo yê qij de beşdar bî û ê emrî de tesîrêk gird viraşt. Ê wextî de zî hema newe partî ameyîne naskerdiş û zanabîyayîşê şarî virazîyayîne. Hemverê çinhesibnayîşê şarê kurdî de ayabîyayîşêk bi.”

	 

	‘Timî mîyanê hewldayîşanê xo yê averberdişî de bî’

	 

	Mîyanê têkoşînî de wezîfeyê şenikî ra bigêrêne heta wezîfeyê girdan heme girewtêne mile xo ser. 91î de no yeno vîrê mi ke lojîstîkî de bî. Dima ra bîye fermandara mangaye. Aye ra dima zî bî fermandara desteyî. Her ke şî wezîfeyê aye gird bîyêne. Sebebê ci zî ked û heskerdiş bî. Prosesê 91-92î seba ma serrê zehmetin bî. Embaza Evîne zî aye wext fermandara desteye têkelî kerdêne. Wexato ke xoserîya desteyî yê cinîye vejîya, aye tewrê taximê xo ameyî kismê xoserî yê leşkerîye de ca girewtî. Xeylê hesas nizdîyê kede bîyêne. Pêrodayîş de firikîyayêne ke ganî ez embaza xo tena vera nêda. Wexto ke wezîfe ameyêne parekerdiş berpirsîyarî girewtêne mile xo ser. Her kes nêeşkeno wina bikero. Her tim seba şexsîyetê xo hetê rêxistinî û zanayîşî de aver biba mîyanê hewldayîşî de bî. Cahîde wina dewam kerd: “Evîne serra 1998î de şina sahayê rayberî û ewja de zî kompoyî ra hayîdar bena û seba aye beno birînêk gird. Komplo reyde hêrsê aye bî gird. Seba azadîya rayberî hemverê tecrîd û koployî de her tim têkoşîn dayêne. Seba rayberîyêk azad û welatêk azad çi destê aye ra biameyêne nê zêdeyê aye kerdêne. Senî do bieşka serkêşîyêk baş bikera hewl dayêne.”

	 

	‘Hêzê komplogerî qet nêresayî amacê xo’

	 

	Cahîdeye bale ant qetilkerdişê Evîn Goyîye ser û vat: “No komployêk gird bî. Eke ma qala hêzê komploger, faşîzmê AKP-MHPyî, hêzê tarî yê ke serkêşîya gladyoyî kenî, xora sebeb û amacê komployî yê hemverê embaza Evîne eşkera kenî. Komplogerî dîyar î. Çîyê ke kerdî hedef cinîya azade bî, nasnameyê azade bî. Çimkî heta nika tu bernameyêk xo de ser nêkerwtî. Eke ma bala xo bidî hêzê tarîyan yê komplogeran şehadete xeylê cinîyanê şorişgeran de rolê yewine kay kerdî. Embaza Evîne reyde komployê diyîne yê Parisî pê ame. Yê ke embazê Sakîne, Fîdan û Leyla qetil kerdî û yê ke ewro hirê embazanê ma qetil kerdî eynî zîhnîyet o. Kam ca de kurdêk bieşko xo aver bibo û şarê xo rê serkêşîye bikero benê hedef.”

	 

	‘Ê nêeşkenê faşîzmî reyde ser bikerî’

	 

	Cahîdeye tewr peynî da zanayîş ke ne Hakan Fîdan ne Erdogan ne zî Suleyman Soylu do nêeşkê pê faşîzmê x oma çinî bikerî û wina dewam kerd: “Çimkî dewaya ma dewayêk heqdar û raşt a. Cinîya kurde şorişê Rojawanê Kurdistan û şorişê şarê kurdî de bi fikir û ramananê Rayber Apoyî serkêşî kerde û hêzê xo da mojnayîş. Embaz Evîne nê serkêşan ra yewe bî. Embaza Evîne Rojawan de zî eynî hawa têkoşîn kerd û birîndar bî. Seba tedawî ameybî Ewropa. No tena qetilkerdişê cinîyêk kurdî nîyo. No hêrişê hemverê nasnmayî yo. Serranê peyênan de nimuneyê na rewşe zaf î. Amacê qetilkerdişê embaza Sara ke Parisî de ameye qetilkerdiş û qetilkerdişê Nagîhan Akarsele ke Silmanîye ameye qetilkerdiş yew o. Embaza Evîne pey xo de îdîayêk xurt, bawerî, heskerdiş, vindetişo bi hêz ma rê mîras verdaye.”