Keyeyê Şenyaşarî: Ma dewaya xo de heqdar ê 

2022-12-28 15:07:56


	 

	 

	RIHA - Çalakîya "Nobeta Edaletî" ya Keyeyê Şenyaşarî roja 660ine de dewam kena. Keyeyî çalakîya xo de wina vat: "Rayîrê ma rayîrê edalet û demokrasî yo.”

	 

	Çalakîya "Nobeta Edaletî" ke Keyeyê Şenyaşarî 9ê adara 2021ine de verê berê Edliyeyê Rihayî de dayê destpêkerdiş, roja 660ine de dewam keno. Çalakîya nobeta edaletî ke Emîne Şenyaşar seba nêweşîya xo nêeşka beşdar biba, lajê ci Ferît Şenyaşar dewam keno.

	 

	Keyeyî serê hesabê xo yê medyaya dîjîtale de nê mesajî pare kerd: “Rayîrê ma cuyêka  layiqê rûmetê merdimayî yo mîyanê aştîye de yo. Rayîrê ma rayî rê edalet û demokrasî yo. Rayîrê ma rayîrê hemwelatijê têduştî yo, rayîrê azadîye yo. Her kes baş zano ke ma dewaya xo de heqdar ê.”