
‘Wa Ahmet Davutoglu û Umît Ozdag bêrê goşdarîkerdiş’ 

2022-12-27 16:18:37


	&nbsp;

	&nbsp;

	ANQARA - Dewaya Qirkerdişê Gara Anqarayî de ame waştiş ke Serekwezîrê ê wexxtî Ahmet Davûtoglû û Serekê Pêroyî yê Partîya Zaferî Umît Ozdag bêrê goşdarîkerdiş û derheqê înan de gerre bêro kerdiş.

	&nbsp;

	Verê Garê Anqarayî de 10ê Teşrîna Verêne 2015ine de DAIŞî hemverê mitîngê “Aştî û Demokrasî” de teqîyayîşêk întîxarî kerdibi û netîceyê hêrişî de 103 kesan dinyaya xo bedelnabî. Roniştişê 18ine dewaya 4ine Dadgeha Cezaya Giran ya Anqarayî de ame kerdiş.

	&nbsp;

	Erman Ekîncî, Îbrahîm Mûrat Akca, Talha Guneş, Haci Alî Dûrmaz û Resûl Demîr yê DAIŞî ke versûcê dewaya bi Rayîrê Sîstemê Veng û Dîmenê (SEGBÎS) beşdarê roniştişî ameyî kerdiş.

	&nbsp;

	Xeylêk avûkatî, keyeyê qurbanîyan, temsîlkarê KESK, DÎSK, ÎHD, îdarekarîyê partîyê sîyasî beşdarê roniştişî bî. Roniştiş bi tespîtê nasnameyan û wendişê belgeyan dest pêkerd.

	&nbsp;

	Roniştiş de bi hêcetê antişî dewa pawitişê avûkat Erman Ekîncî nêame girewtiş.

	&nbsp;

	Avûkatan dewa pawitî û waştî Serekwezîrê ê wextî Ahmet Davûtoglû û Serekê Pêroyî yê Partiya Zaferî Umît Ozdag bêrê goşdarîkerdiş û derheqê înan de gerre bêro kerdiş.

	&nbsp;

	Heyetê dadgehe derheqê verscan de dewamê tepiştişî da û sewbîna qerarê muzakereyê seba Wezaretê Edaletî ameyê nuştiş bêrê vindernayîş û seba krokiyê wareyê teqînayîşî bêro kerdiş da. Heyetê dadgehe bi bahaneyê ke qonaxê ke dosya resaya waştişê cigêrayîşî yê avûkatan red kerd û roniştişê taloqî 23ê adare kerd.

	&nbsp;