
Tetikkêşê hêrişê Parisî tepişîya 

2022-12-27 11:05:50


	&nbsp;

	&nbsp;

	MERKEZÊ XEBERAN - Dozgerîya Parisî bi bahaneya weşîya mentale bira destbendkerdişî ya serê kiştox William M.yî wedaritbî. Kiştox Williamî bi sûcê 'hedefkerdişê nijadêkî, kiştişê bi armancê nîjadperestî, xîretê kiştişî û peydakerdişê çeke' tepişîya.

	&nbsp;

	Kiştox William M.yî 23yê kanûne de paytextê Fransa Paris de, hêrişê Merkezê Kulturê Kurdan ê Ahmet Kayayî kerdbi û Endamê Konseya Rayberdişî ya KCKyî Emîne Kara (Evîne Koyî), hunermmend Mîr Perwer (Mehmet Şîrîn Aydin) û Abdurrahman Kizil qetil kerdî. Kiştox William M. vejîya verê mehkeme. William M. sûcê 'hedefkerdişê nijadêkî, kiştişê bi armancê nîjadperestî, xîretê kiştişî û peydakerdişê çeke' ra tepişîya.

	&nbsp;

	Wexto ke kiştox reya diyîne amebi destbendkerdene çarçewa sûcanê 'sûîkast, xîretê sûîkastî, şîdetê bi çeke û binpaykerdişê qanûnan' de amebi muhakemekerdene. Konseya Kurdan a Demokratîke ya Fransa û avûkatê keyeyanê Emîne Kara, Abdurrahman Kizil û Mîr Perwerî David Andicî vera pênaseyê sûcî nêrazîbîyayîşê xo mojna û vat ke na dewa sîyasî ya, nêno qebulkerdene ke mehkeme çarçewa sûcanê edlîyan de kiştoxî muhakeme bikera.

	&nbsp;

	CDK-Fyî û keyeyê Mîr Perwerî derheqê Dozgerîya Parisî de dewa akerde. Keyeyê Emîne Kara û Abdurrahman Kizilî zî ewro bi rayîrê avûkatanê xo, seba muhakemekerdişê 'edlî nîyo, sîyasî yo' hem derheqê Dozgerîya Parisî de hem zî derheqê faîlî de dewayêke do abikerê.&nbsp;

	&nbsp;

	Dîya zanayene ke keyeyê Kizil, Kara û Mîr Perwerî ewro do cenazayan teşhîs bikerê. &nbsp;

	&nbsp;