Keyeyan seba şîyayîşê Îmraliyî muracat kerd 2022-12-23 15:15:14     STENBOL - Birayê Rayberê PKKyî Abdullah Ocalanî Mehmet Ocalan û wasiyê ci Mazlûm Dînç pêwa Alî Konar birayê Omer Hayrî Konar, Polat Yildirim birayê Hamîlî Yildirim û Melîhe Çetîn waya Veysî Aktaş bi waştişê pêvînayîşî muracatê Serdozgerîya Komare ya Bûrsayî kerdî.   Keyeyê Rayberê PKKyî Abdullah Ocalan û keyeyê tepişteyanê bînan ê Îmraliyî seba bieşkê pêvînayîşî bikerê, reyke bîn muracatê Serdozgerîya Komare ya Bûrsayî û Midûrîyê Zîndanê Îmraliyî kerdî.   Keyeyan bi rayîrê Serdozgerîya Komare ya Bûrsayî muracatê Mudûrîyê Zîndanê Îmraliyî kerd.   25ê Adara 2021ine û tepya bi ti hawayî agahî Rayberê PKKyî Abdullah Ocalanî ra nîna girewtiş.