Dewaya hêrişê hemverê bînaya HDPyî de dadgehe cezaya zîndanî da 

2022-12-20 14:22:27


	 

	 

	EDENE - Dewaya hêrişê bînaya Rêxistina HDPyî Edeneyî de dadgehe 3 aşmî û 22 rojî cezaya zîndanî da. Dadgehe taloq kerd. 

	 

	Tuto bi nameyê O.Y. hêrişê bînaya Rêxistina Partîya Demokratîke ya Şaran (HDP) yê Edeneyî kerdibi û derheqê ci de bi sucdarkerdişê “ziyan resna malî” dewa amebî akerdiş. 2yîn roniştişê dewaya 2yîn Dadgeha Tutan ê Edeneyî de ame organîzekerdiş. O.Y. ke bêtepişte yeno muhakemekerdiş tewrê roniştişî nêbi û avûkatê ey amade bî. Endama Komîsyonê Huqûqî yê HDPyî avûkate Mehtap Sert û avûkate Komeleya Heqê Merdiman (ÎHD) û Komeleya Huqûqnasê Azadîwaştoxan (ÇHD) roniştiş de amade bî.

	 

	Waştişê bereatî ame dayîş

	 

	Roniştiş bi hawayêkê padaye ame organîzekerdiş û dadgehe da zanayîş ke zîyanê madî ameyo pêşwazîkerdiş. Avûkatan da zanayîş ke hêriş hemverê partîyêkê sîyasî ameyo kerdiş û waştî hêrişkar bi sûcê “ziyandayîşê keyey partîyêk sîyasî” bêrê cezakerdiş. Avûkatê versûcî zî wina vat: “Ma zîyanê madî pêşwazî kerd. Her çend ke hêrişê partîyêke sîyasî kerdibi zî, bi kelecanê balixtî kerdo. Coka ma waştişê beraetî kenê.

	 

	Mehema sucê ‘zirardayîşê malê partîyêk sîyasî’ ra yew ser û 6 aşmî cezaya hepsî da. Sewbîna bi bahaneye heqê zirarî ameyo dayîş û emre hêrişkar 18 serrî ra şenikêr o, cezaya ci ame fînayîş. Ceza sere de bî 9 aşmî û dima ra zî mehkema fîna 3 aşmî û 22 rojan. Mehkema ceza taloq kerde.

	 

	'Ma do gerreyê hêrişkar bikerî û raşteyan de têkoşîn bikerê’

	 

	Badê roniştişê dewaye avûkat Mehtap Serte vernîya edlîye de eşkerayî da û vat ke akerdişê dewayêk yê domanêk weş nîyo û wina vat: “Nuşteyê ci yê JÎTEMî ver ama kewenê dewaye. Zîhnîyeto ke domananê kiştoxan awan keno, domananê sucdaran awan keno û hewl dano xo pakî bivejno. Ma zanê ke her ke xebatê ma gird bibî do hêrişî zî zêde bibî. Ma do gerreyê hêrişkar bikerî û raşteyan de têkoşîn bikerê.”