Derheqê Eren Keskîne de dewa ameye akerdiş 

2022-12-16 16:10:14


	 

	 

	STENBOL - Hemsereka Pêroyî ya ÎHDyî Erene Keskîn seba ke vera dewaya ke babîyê Denîze Poyraz rê ameya akerdiş nêrazîbîyayîşê xo mojna ci rê zî dewa ameye akerdiş.

	 

	Denîze Poyraza ke bînaya HDPyî ya Îzmîrî hetê Onur Gencerî ra amebî qetilkerdene, babîyê aye Abdullah Poyraz derheqê babete de Ajansê Mezopotamya rê roportajêk dabi. Dima nê roportajî ra derheqê Abdullah Poyrazî de bi îdîaya 'propagandaya rêxistine' dewa amebî akerdiş. Hemsereka Pêroyî ya Komeleya Heqanê Merdiman (ÎHD) Erene Keskîn vera na dewa hesabê xo yê medyaya dîjîtale de nêrazîbîyayîşê xo mojnabi. Nê nêrazîbîyayîşî ra zî derheqê Erene Keskîn de dewa ameye akerdiş.

	 

	Dozgero ke derheqê babî Poyrazî de tehqîqat dîyabi destpêkerdiş, dima gerreyê vilakerdişê medyaya dîjîtale yê Erene Keskîn kerdbî. Gerreyî ser o îdîaname ame amadekerdiş û derheqê Erene de dewa ameye akerdiş.

	 

	Roniştişê dewa 23yê sibate de Mehkemeya Cezaya Girane ya Îzmîrî de do bêro kerdiş. Îdîaname de Erene bi îdîayanê 'heqaret û hedefmojnayîşî' yena sûcdarkerdiş û seba aye cezaya zîndanî ya 3 mengan ra heta 5 serran yena waştiş.

	 

	Erene derheqê dewa de hesabê xo yê medyaya dîjîtale de no mesaj da: ''Vilakerdişê mi ra Mehkemeya Cezaya Girane reyna mi rê dewa kerda a. Yew mehkemeya ke nêzanena dejê babîyêkê xemgînî rê hûrmet bikera.”