
Qerar ame dayîş ke dosyanê Fîgen Arase bikerê yew

2022-12-07 16:07:50


	&nbsp;

	&nbsp;

	AMED - Roniştişê dewaya endama Akademîya Cinîyan Fîgen Aras de heyetê dadgehe waşt ke dosyaya Fîgene bi cipersayîşê Anqarayî ameya akerdiş, yew bikerê.

	&nbsp;

	Roniştişê dewaya ke endama Akademiya Cinîyan Fîgen Arase bi îdiayê "endamîya rêxistine" ci ra ameyîne muhakemekerdiş, 10ine Dadgeha Cezaya Giran ya Amedî de ame vînayîş. Fîgene çarçewaya cipersayîşê ke hetê Serdozgerîya Komare ya Anqarayî ra ame destpêkerdiş de ameye tepiştiş û berdîya Zîndanê Sîncanî yê Anqarayî, bi Sîstemê Agahdariya Veng û Dîmenî (SEGBÎS) beşdarê roniştişî bî û avûkate aye Ruşen Seydaoglû zî tewrê roniştişî bî.

	&nbsp;

	Dimayê pawitişê Fîgen û avûkate aye, dozgerî waşt ke dosyaya Fîgene bi dosyaya cipersayîşê Anqarayî reyde bikero yew.

	&nbsp;

	Dadgehe sewbîna waşt ke cipersayîşê Fîgene yê Anqarayî dewam bikero, eke dozgerî bieşko wa dosyayan bikero yew.

	&nbsp;

	Dadgehê roniştiş taloqê 8ê Adara 2023ine kerd û qerar da ke paweyê cewabê waştişê xo bê.

	&nbsp;