Çalakîya Nobeta Edaletî roja 637ine de ya

2022-12-05 15:48:32


	 

	 

	RIHA - Çalakîya Nobeta Edaletî ya Emîne û Ferît Şenyaşar roja 637ine de dewam kerd. 

	 

	Çalakîya Nobeta Edaletî ya Keyeyê Şenyaşarî 9ê adara 2021ine de verê Edlîyeyê Rihayî de daya destpêkerdiş roja 637ine de dewam kena.

	 

	'Waştişê dayîke edalet o'

	 

	Ferît Şenyaşar ke bi dayîka xo reyde verê berê edlîye de nobeta xo dewam keno wina vat: "Nobeta ma ya ke seba edaletî ma da ya destpêkerdiş, dewam kena. Serekkomar Erdogan ame Riha la pêwa ke têkoşînê na dayîke ra xeberdar o zî na babete de ne negatîf û ne zî pozîtîf qisey nêkerd. Kesê ke wazenê bibê îqtîdar, ganî nê têkoşînê dayîke bivînê. Waştişê dayîke edalet o. Heme cografya serê edaletî de ameya awankerdiş. Ma zî heta ke edalet bi ca nêro, ma do verê berê qesrî ra nêşirê. Kesê ke wazenê bibê îqtîdar, heta ke na dayîke nêvînê, nêeşkenê bikewê mîyanê şarî."