
Şuxilnayîşê çekanê kîmyewîyan manşetê L’Humanite de yê 

2022-12-05 15:40:07


	&nbsp;

	&nbsp;

	&nbsp;

	MERKEZÊ XEBERAN - Hêrişê kîmîyewîyî yê Tirkîya yê vera Başûrê Kurdistanî bîyî manşetê hûmara peyêne ya L’Humanite.

	&nbsp;

	Hêrişê kîmîyewîyî yê Tirkîya yê vera Başûrê Kurdistanî bîyî manşetê hûmara &nbsp;peyêne ya L’Humanite. Xebara rojnameyî de derheqê dîmenanê ke Ajansê Xeberanê Firatî de ameyî weşanayene de fîkrê pîsporan ameyî girewtene.

	&nbsp;

	'Ganî cipersayîş bêro kerdiş'

	&nbsp;

	Dr. Jan van Akeno ke L’Humanite rê qisey kerd wina vat: "Têna pê dîmenan çew nêeşkeno çîyo qetî vajo. La gama ke mi nê sehneyî seyr kerdî madeyê M-CPP(metaChlorophenylpiperazine) ame vîrê mi. (…) No made senî ke na şervane wişneno, eşkeno bibo sebebê wiyayîşî, la eynî wextî beno sebebê kabûsî zî. Eke zaf bêro şuxulnayene, senî ke nê dîmenan de eseno beno sebebê tabloyêkê klînîkî zî û mirneno zî."

	&nbsp;

	Ca dîya raporê IPPNWî

	&nbsp;

	Xebere de ca dîya raporê IPPNWyî yo ke badê zîyaretê Başûrê Kurdistanî ame amedekerdene. Xebere de ame vateneke seba ke heyetê IPPNWyî nêeşke cayanê bombakerdeyan de û kesanê ke binê tesîrê kîmyewîyî de mendî de pêvînayîşan bikero, doneyî nêameyî cipersayene.

	&nbsp;

	'Seba cipersayîşê fermî xeylê kanitî estê'

	&nbsp;

	Dr. Beppe Savary-Borioli vat: “Kanitî est ê ke welatêk binê hîmayeyê Sekreterîya Pêroyî ya Neteweyanê Yewbîyayeyan ya zî selahîyetê Rêxistina Qedexekerdişê Çekanê Kîmyewîyan de cigêrayîş bikero.”

	&nbsp;

	Xebere de bale ameye ser antene ke Tirkîya de kesê ke derheqê hêrişanê kîmyewîyan de semedê cipêrsayîşê xoserî kenê, binê tehdîtê hepsî de yê û tepişnayîşê Şebnem Korur Fîncanciye ame vîrvistene.

	&nbsp;

	L'Humanite reyna bale ante serê sîcîlê şuxulnayîşê çekanê kîmyewîyan ê Tirkîya ser û vist vîrî ke Serekanîye de qûrbanêkê şerî binê tesîrê fosforê sipîyî de mend û Hulusî Akarî vat ê vera HPGyî bombayanê hesran şuxulnenê.

	&nbsp;

	&nbsp;