21 cinîyan ra 8 cinî ameyî tepiştiş 

2022-12-03 10:04:23


	 

	 

	ANQARA - Mîyanê 21 cinîyê ke ameyî destbendkerdiş de 8 cinî ameyî tepiştiş, derheqê 3 cinîyan de zî qerarê hepsê keyeyî ame dayîş û 10 cinî zî ameyî veradayîş. 

	 

	Çarçewaya cipersayîşê derheqê Tevgerê Cinîyan ê Azadan (TJA) de Amed, Stenbol, Îzmîr, Mûş, Agirî, Dîlok û Sêrt de 18 cinî amebî destbendkerdiş. Cinîyê ke ameyî destbendkerdiş bi otobus ardî Anqara. Dimayê 4 rojan cinîyê ke ameyî destbendkerdiş, vizêr ardî Edlîyeyê Anqarayî.

	 

	Cinîyê ke ameyî destbendkerdiş, emniyet de îfade nêdayî û diyar kerdî ke do dozgerî de îfade bidê. Îfadeyê cinîyan vizêr dozgerî de 11 saetan dewam kerd. 12 dozgerî ameyî wezîfedarkerdiş. 

	 

	Dozgerî bi sebebê "endamîya rêxistine" û "seba rêxistine xebatkerdiş" derheqê Fîgen Aras, Meral Şîmşek, Bedîa Akkaya, Dîdar Çeşme, Aysel Ceylan, Bêrîtan Canyaş, Gûlîstan Dehşet û Hulya Kinoglu de qerarê tepiştişî da û sewqê dadgerîye kerd. 

	 

	Dadgerî zî qerarê tepiştişê Hulya Kinoglu, Gulîstan Dehşet, Fîgen Ektî, Mekiye Ormanci, Dîdar Çeşme, Bedîa Akkaya, Fîgen Aras, Hatîce Gungor da. 

	 

	Derheqê Merve Tekîn Demîrel, Sultan Esen û Tamcîhan Çelebî de qerarê hefsê keyeyî da. 

	 

	Dadgerî qerarê serbestveradayîşê Yelîz Ayyildiz Kiyak, Hulya Taşar, Zekiye Guler, Meral Şîmşek, Zeynep Boga, D.A., Hazal Aras, Aysel Ceylan, Bêrîtan Canyaş û Hatîce Aye da.