
Rojhelatê Kurdistan û Îranî de xoverdayîş devam keno 

2022-12-02 16:05:16


	&nbsp;

	&nbsp;

	MERKEZÊ XEBERAN - Serewedarnayîşê Rojhelatê Kurdistan û Îranî ke badê qetilkerdişê cinîya Kurde Jîna Emînî, qetlîyam, tepiştiş û destbendkerdişan vejîyaye bê maben dewam keno. Hêrişê rejîmî zî na sewîye de dewam kenî.

	&nbsp;

	Vizêr bajarê Sine de bi zîyaretê serekkomarê Îranî Îbrahîm Reîsî reyde bajar de tedbîrê şîdetin yê asayîşî ameyî girewtiş. Wextê zîyaretê Reîsî de bajar de merasîmê çewresî yê Ramîn Fathîyî ke bado ke ameybî destbendkerdiş pê îşkence ameybî qetilkerdiş, pê ame.

	&nbsp;

	Bajarê Urmîye û Kamyaranî de zî bi şekle cîya cîyayî çalakî deam kenî û welatîyan nêrazîbîyayîşê xo ard ziwan ser. Yeno vatiş ke Bokanî de hêzê zêde ameyo vilakerdiş û tepiştiş û destbendkerdişê hemwelatîyan bajar de dewam keno.&nbsp;

	&nbsp;

	Çalakgerê Rojhelatê Kurdistanî vanê, çalakîyanê di hewteyê peyênan de Bokanî de tewr kêmî 17 kesî hetê hêzê Îranî ra ameyî kiştiş û aqubetê bi desan kesan zî nîno zanayîş.

	&nbsp;

	Pêroyê Îranî de taybet Tahran de şar reyna vejîya raşteyan û bê maben sloganê hemverê dewleta Îranî berz kerd. Bajarê Zahîdanî de seba pawitişê şexsîyetê olî yê Beluç Mewlewî Ebdulhemîdî çalakîyêk ame viraştiş û ci sey xeta sûre îlan kerdî. Eynî bajarî de yeno pawitiş ke ewro roja Îne çalakîyêk bêra viraştiş. Seba aye vizêr ra nata hûmarêk zêde ya pasparan bajêr de ameya vilakerdiş.&nbsp;

	&nbsp;

	Bajarê Tahran, Tewrêz, Esfehan, Bender Ebasî, wendekar raşteyan de bî. Hetobîn de eynî bajarî de şofêr û karkerî greve xo deam kenî û çalakîyan virazenî.

	&nbsp;

	Ercayeyê vaatişîyo ke 29ê Teşrîna Peyêne ya 2022î de Rêxistina Heqê Merdiman ya Îranî eşkera kerd ke destpêkê çalakîyanê Îran û Rojhelatê Kurdistanî de tewr tay 448 kesî ameyî kiştiş û înan ra 60ê ci doman û 29ê ci zî cinî yî.

	&nbsp;

	Goreyê raporê rêxistinî, ten adi hewteyî de 16 kesî ra zêde kesî Îran de bi deste hêzê rejîmî ameyî kiştiş û na hûmare ra zêdeyê 12 kesî bajarê Rojhelatê Kurdistanî de ameyî kiştiş.

	&nbsp;

	Rêxistina Heqê Merdiman ya Îranî eşkera kena ke heta nika kiştişê çalakgeran de 26 bajarê Îran û Rojhelatê Kurdistanî de ameyî komkerdiş. Tewr zêde hedîseyê kiştişî bajarê; Sîstan Beluçistan, Sine, Azerbeycana rojava, Mazenderan û Kirmaşanî de bîyî.

	&nbsp;