
Keye û wasîyê Abdullah Ocalanî seba pêvînayîşî muracat kerd 

2022-12-02 15:35:55


	&nbsp;

	&nbsp;

	STENBOL - Keyeyê Rayberê PKKyî Abdullah Ocalanî û merdimê tepişteyanê bînan ke Îmrali de yê semedê pêvînayîşî muracatê Serdozgerîya Komare ya Bursa û Mudirîya Zîndanî ya Îmraliyî kerd.

	&nbsp;

	Birayê Rayberê PKKyî Abdullah Ocalanî yo ke nêzdê yew serrî yo tira xebere nîna girewtene, Mehmet Ocalan, vasîyê ci Mazlûm Dînç û merdimê tepişteyanê bînan Omer Hayri Konar, Hamili Yildirim û Veysi Aktaşî semedê pêvînayîşê Îmraliyî muracat kerd.

	&nbsp;

	Xeylêk wexto ke Rayberê PKKyî Abullah Ocalanî ra xebere nîna girewtene. Avûkatî hewte de hey semedê pêvînayîşî muracat kenê la muracatê înan bi hewayêkê sîstematîkî bêcewab yenê verdayene. Ge ge bi aşman cuwa pê yeno eşnawitene ke cezaya dîsîplînî ameya dayene.

	&nbsp;

	Tewr peyîn 25ê Adara 2021î de pêvînayîş kerdibi

	&nbsp;

	Birayê Rayberê PKKyî Abdullah Ocalan, Mehmet Ocalanî tewr peyîn 25ê Adara serra 2021ine de bi birayê xo reyde serê telefonî de pêvînayîş kerd. La qiseykerdş nîmced amebi birnayîş. Sewbîna avûkatanê Ocalanî zî tewr peyîn 7ê Tebaxa serra 2019ine de bi miwekîlê xo reyde pêvînayîş kerdibî.

	&nbsp;

	Cezaya dîsîplînî

	&nbsp;

	Eynî wextî de Serekîya Heyetê Dîsiplînî 3yê sibata 2022ine de cezaya qedexeyê pêvînayîşê bi keyeyî reyde seba 3 aşman dabi Ocalan û no qerar 21ê sibate de qetî bibi. Seba ke heme astengiyê bêhuqûqî yê vernîya pêvînayîşê bi keyeyî reyde bêro wedaritiş û pêvînayîşî virazîyê, avûkatê Ocalanî 28ê adare de muracatê Dadgeriya Înfazî ya Bursayî kerdî. Dimayê ke no muracat ame redkerdiş, avûkatî pê hesîyayî ke qerarê qedexeyê pêvînayîşî yê 3 aşman ameyo dayîş

	&nbsp;