
Emnîyetê Anqarayî de cinîyan rê işkence ame kerdiş 

2022-12-01 15:21:27


	&nbsp;

	&nbsp;

	ANQARA - Cinîyê ke çarçewaya cipersayîşê hemverê TJAyî de bajarê cîya cîya ameyê destbendkerdiş, 36 saetan bi hawayê kelemçekerde ameyî tepiştiş û bi no hewayî heta Anqara berdî.

	&nbsp;

	Sere de Amed de xeylêk şaristanan de derheqê 50 cinîyan de bira destbendkerdişî dîyabî û nînan ra 18 cinîyî ameyî destbendkerdene, dima zî ameyî berdene bi Anqara.&nbsp;

	&nbsp;

	Eşkera bi ke rojêke û nêm nan û awe nêdîyayê cinîyan, polîsan destê cinîyan pey ra kelemçe kerdê. Wexto ke endama TJA Fîgene Ektî vera îşkenceyî xo ver da zî ci rê îşkence ame kerdene, gijikê ci ame kaşkerdene, polîsan nêngî çînayî pê.

	&nbsp;

	Fîgene Arasa ke qezayê trafîkî de esteyê sereyê zi derzîyabi, rixmê raporanê weşîye zî nezaret de tepişîyaye. Heman wextî de polîsan qestî ra da sereyê Fîgene ke nêweşa Vertigoyî ya.

	&nbsp;

	Ame parekerdene ke cinîyêka ke nêweşa kanserî ya û tedawîya kemoterapî vînena zî ameya destbendkerdene.

	&nbsp;

	Dîya zanayene ke polîsî Anqara de binê nameyê 'sohbetî' de wazenê cinîyan ra agahîyan bigêrê.

	&nbsp;