
‘Ma do kuçeyan terk nêkerê’ 

2022-11-28 16:17:11


	&nbsp;

	&nbsp;

	STENBOL - Platformê Cinîyan ê 25ê Teşrîna Peyêne da zanayîş ke ê do derheqê îşkenceyê rayîr ra şîyayîşê 25ê Teşrîna Peyêne de înan rê ame kerdiş gerreyê xo bikerê û vatî: “Kesê seba hêrişê Rojawanî bikerê, bahaneyan peyda kenê nêeşkenê asayîşê ma bipawê. Pêwa şîdetî ma kuçe terk nêkerd, ma do terk nêkerê zî.”

	&nbsp;

	Platformê Cinîyan ê 25ê Teşrîna Peyêne şîdetê camêrdî dewlete ya rayîr ra şîyayîşê 25ê Teşrîna Verêne yê Taksimê Stenbolî de TMMOByî Karakoyî yê Stenbolî kombîyayîşê çapemenîye organîze kerd. Xeylêk cinî tewrê çalakîye bî. Eywan de kombîyayîşê pankartê pîlî bi nuşteyê "Ma seba azadîya xo bêveng nêmanê, ma fek cuya xo ra vera nêdanê, ma sereyê xo vera şîdetê camêrd-dewlete nêtewênenê” ame daliqnayîş.

	&nbsp;

	Ferîde Eralp serê nameyê platfromî de heqê qiseykerdişî girewt, da zanayîş ke ê hemverê şîdetê camêrd-dewlete gerre bikerê û vat, şîdetê 25ê Teşrîna Peyêne de zî peynî nêbi.

	&nbsp;

	Endama platformî Tulay Korkutan da zanayîş ke "ma sereyê xo nênanê ro” bi rih û can bîyo û vat, polîsan bi refleksê xo waştêne ma bi qalxanê xo bipelçiqnê û bê helm verdê. Tulaye dîyar kerd ke embazêke înan seba şîdetî hişê xo ser de şîya û polîsan pêwa nê ambulanse vetê û destbend kerdê û vat, cinî bi cigêrayîşê zitî rî bi rî mendê.

	&nbsp;

	Avûkata platformî Tugba Yilmaz zî dîyar kerd ke ê do prosesî taqîb bikerê û ê do polîsê ke şîde kerdê tespît bikerê û seba bêrê muhakemekerdiş çi destê înan ra bêro do bikerê.

	&nbsp;

	Muxabîra BirGune Yaren Çolak ke seba rayîr ra şîyayîşî taqîb kerdêne, ameye destbendkerdiş da zanayîş ke hedefgirewtişê cinîyan her ke şino zêde beno û vat do çapemenî peyser game nêerzo.

	&nbsp;

	Dilbent Turkera ke seba şîdetê polîsan lingê ci şikîya vat, ê do şîdetê polîsan rê çimenê xo nêpadê.

	&nbsp;

	Dimayê qiseykerdişan serê nameyê platformî de Ozengul Ergun, metnê çapemenîye wend. Ozengule dîyar kerd ke şîdetê polîsan tabloyê Tirkîya nîşan dano û vat, kesê hemverê Rojawanî de şer dest pêkerdo, nêeşkeno asayîşê înan bipawo.

	&nbsp;

	Dimayê eşkerayîye cinîyan pîya vatî: "Têkoşînê ma, paştdayîşê ma, 25ê Teşrîna Peyêne nêeşkeno bêro astengkerdiş.” Kombîyayîş bi sloganê, "Biciwîyo paştdayîşê cinîyan” peynî bi.

	&nbsp;