‘Şerê hemverê Kobanê do her ca rê vila bibo’  

2022-11-26 11:07:08


	 

	 

	 

	BEDLÎS - Cinîyê Bedlîsî dîyar kerdî ke sebebê hêrişan ê yewine ke hemverê Rojawanî de yenê kerdiş ‘bîyayîşê Kurdan o’ û wina reaksîyon mojnayî: “Eke Kobanê bikewo do şer her ca rê vila bibo.” 

	 

	Hêrişê Tirkîya yê hemverê herra Vakur û Rojhelatê Sûrîye û Başûrê Kurdistanî dewam kenê. Çalakîyê protestokerdişê hêrişan zî her ke şino gird beno. Tirkîya hêrişê bombeyin yê Taksîmî kerd bahane û şewa 19ê Teşrîna Peyêne de hêrişê Kobanê kerd. Rojnamegerê Ajansê Xeberan yê Hawarî (ANHA) zî tede xeylê kesî dinyaya xo bedelnayî û xeylê kesî zî birîndar bîyî. Dewleta tirke bi taybetî sivîlan hedef gêna. Tewr peynî kampa Holê ya ke çeteyê DAIŞî û keyeyê înan tede estê, bombarduman kerd. Netîceyê hêrişê TSKyî de xeylê DAIŞî kampe ra remayî. Hêzê Sûrîye yê Demokratîke (QSD) eşkerayî da û bilançoya hêrişanê Tirkîya yê 23ê Teşrîna Peyêne ra heta nika eşkera kerd û vat ke heta nika hemverê herême de 4 hezar hêrişî pê ameyî. 

	 

	Cinîyê Bedlîsî hemverê hêrişan de reaksîyonê xo mojnayî.

	

	‘Şerê çinkerdişê Kurdan o’ 

	 

	Zubeyde Guvene reaksîyon mojna û ard ziwan ke ganî bilez no şer bêro vindarnayîş û vat: “Amacê AKP-MHPyî no yo ke Kurdan çin bikero. Vanê ke ma do Kurdan biqedînê û hewldayîşanê înan veng bivejnê. Ma her ke şinê zêde benê. Ganî Kurdî kişta yewbînan de bê û pê yewîye hêrişî bêrê vindarnayîş.”

	 

	

	‘Kobanê herra Tirkan nîyo’ 

	 

	Rabîa Kaplane hêrişê hemverê Kobanê şermizar kerd û wina vat: “Ma şer nêwazenê. Ma azadî wazenê. Sivîlî ameyî qetilkerdiş. Kewarê xelleyî ameyî çinkerdiş. Bîyayîş yeno hedefgirewtiş. Kobanê hera Tirkan nîyo, hêrişê înan hovîtî yo. Ma şermizar kenê. Şarê Kurd tena xo paweno. Tîya de Kurd, Ereb û şarê bînî pîya mîyanê aştîye de cuyenî.”

	 

	‘Ganî reaksîyon bêro mojnayîş’

	 

	Rabîaye dîyar kerd ke Taksîm kayêk o û wina vat: “Ganî ne şarê Kurd û ne zî şarê bînî êdî nêrê nê kayan. Kobanê nêkeweno. Kobanê bikewo do şer vilayê dinya bibo. Sere de cinî û heme kesî ganî hemverê hêrişan de reaksîyon bimojnê û protesto bikerê. Ma cuyêke merdimîye wazenê.”

	

	‘Nekewtişê Kobanê girêdayeyê serewedarnayîşî yo’

	 

	Cinîya bi nameyê Nurîye Topala 80 serrî zî bi vatişê ‘ma serewedarnayîş pê nîyarê do Kobanê bikewo’ dest bi qiseykerdişê xo kerd û vat: “Ganî  ma her raşteyî de vengê xo berz bikerê. Kobanê bikewo ma do zî bikewê. Eke ma hetkarîya yewbînan bêkerê ma do heme çin bibê. Têkoşîn bi komêke şenik dest pêkerd û vilayê dinya bî. Ma şarê Mezopotamya yê. Ma cayêke bîn ra nêameyê.”

	

	Tewr peynî cinîyan ra Cennet Balikçiye qisey kerd û vat: “Hêrişê hemverê Rojawanî ma şermizar kenê. Amacê hêrişan çinkerdişê Kurdan o. La Kobanê qet nêkeweno. Kobanê tena nîyo. Ganî ziwan, nasname û bîyayîşê ma bêro qebulkerdiş.”