
Tirkiye êrîşên xwe zêde dike

2022-11-22 17:49:53


	&nbsp;

	&nbsp;

	&nbsp;

	NAVENDA NÛÇEYAN - Êrîşên dewleta Tirk ên li ser Bakur û Rojhilatê Sûriyeyê her ku diçe zêde dibin.&nbsp;

	&nbsp;

	Êrîşên dewleta Tirk ên li ser Bakur û Rojhilatê Sûriyeyê her ku diçe zêde dibin. Gelek herêm hemwext tên bombekirin.

	&nbsp;

	Dewleta Tirk gundê Siftek ê rojavayê Kobanê û gundê Qeremox ê rojhilatê Kobanê bombebaran kir. Di êrîşan de bi taybetî navenda tenduristiyê ya gundê Qeremox bû hedef. Şeva 19-20’ê Mijdarê li Kobanê nexweşxaneyeke Kovîd-19 &nbsp;bû hedefa bombeyan û nexweşxane rûxiyabû.

	&nbsp;

	Êrîşên li gelek herêman bênavber dewam kirin, li gorî saeta herêmî saet 15.40'an li Kobanê gundên Zormixar, Ziyaretê û Çariqlî careke din hatin bombekirin.

	&nbsp;

	Li Tirbespiyê

	&nbsp;

	Dewleta Tirk hemwext bi êrîşên li Kobanê re êrîşên xwe yên li Tirbespiyê jî zêde kirin. Balafireke bê mirov gundê Gir Dahol ê dikeve başûrê rojavayê Tirbespiyê bombe kir. Her wiha cihekî qada petrolê ya El Ode du caran hate bombebarankirin, gundê Lêlan û qadeke petrolê ya nêzî Gir Daholê jî hatin bombebarankirin.

	&nbsp;

	Êrîşî Qamişloyê kirin

	&nbsp;

	Dewleta Tirk 3 hawan avêtin gundê Alîfero ê Qamişloyê. Di êrîşê de tiştek bi kesî nehat.

	&nbsp;

	Li Dêrazorê êrîşên hewayî

	&nbsp;

	Herêma Dêrezorê jî bû hedefa êrîşan. Gundê Mekmen ê 70 kîlometre dûrî sînor e, 5 caran ji aliyê balafirên şer ve hate bombekirin.

	&nbsp;

	Li Tilt Temirê bombebaran

	&nbsp;

	Li gorî saeta herêmî saet 15.50’an balafirên şer ên dewleta Tirk gundên Til Leben, Gûzeliyê û Til Tewîl ên rojavayê Til Temirê bombe kirin.

	&nbsp;

	Top avêtin gundê Amûdê

	&nbsp;

	Hemwext bi topan li gundên Şorikê, Haside û Til Kefe yên bajarê Amûdê dan.

	&nbsp;