
Dewleta Tirke hêriş kerd: 12 kesî dinyaya xo bedelnayî 

2022-11-20 14:35:49


	&nbsp;

	&nbsp;

	MERKEZÊ XEBERAN - Dewleta Tirke vizêr şan de Rojawanê Kurdistanî de bi teyareyan qirkerdiş kerd. Tewr tay 12 kesî ameyî qetilkerdiş, bi desan zî birîndar bî.

	&nbsp;

	Teyareyê dewleta tirke vizêr şan de herêmê Kobanê, Şehba, Girê Spî, Zirgan û Dêrikî bombavaran kerd. Bombavaran de reyna welatijî bî qurbanî. Sewbîna hêzê hukmatê Şamî zî bî hedef.

	&nbsp;

	Dêrik

	&nbsp;

	Hêrîşê Dêrikî de dewa Teqil Betil wesayîtêkê ame bombavarankerdiş. Nê hêrişî de 2 kesî dinyaya xo bedelnayî. Dimayê hêrişî welatijan waşt ke şêrê cayê bombavaranî û birîndaran wedarnê. La teyareyê îşxalkerdoxan na rey zî welatijan bombavaran kerd. Netîceyê bombavaranê diyîn de 7 kesî dinyaya xo bedelnayî û 3 kesî zî birîndar bî. Mîyanê kesê ke dinyaya xo bedelnayî muxabîrê ajansê ANHAyî Îsam Ebdullah zî esto.

	&nbsp;

	Zîrgan

	&nbsp;

	Teyareyan dewa Til Hermelê Vakurê Zirganî û embarê genimî yê dewa Dehir El Ereb ke vakurê rojhelatê Zirganî bombavaran kerdî. Bombavaran de 3 kesî dinyaya xo bedelnayî, 3 kesî zî birîndar bî. Eynî bombavaranî de 3 leşkerê hukmatê Şamî zî merdî, 5 zî birîndar bî.

	&nbsp;

	Girê Spî

	&nbsp;

	Nuqteya hêzê hukmatê Şamî yê dewa Qizelî ya rojawanê Girê Spî bî hedefê bombayan. Hêrişî de leşkerêk hukmatê Şamî merd, 2 zî birîndar bî.

	&nbsp;

	Kobanê

	&nbsp;

	Rayîrê Cerablus û Daristanê Kobanî yê rojawanê bajarî, taxa Kaniya Kurdan û dewa Helincî ya rojhelatê bajarî û Girê Miştenûr ameyî bombavarankerdiş. Sewbîna ewro saete derûdorê 09.30ine de teyareyan reyke bîn gire Miştenûr bombavaran kerd.

	&nbsp;

	Bombavaranî de muxabîrê Stêrk Tv Mihemed Ceradî ke waştêne hêrişan taqîb bikerê, birîndar bi.

	&nbsp;

	Şehba

	&nbsp;

	Teyareyan vizêr şan de dewa Şewarxa ya girêdayê qezaya Şera ya Efrînî ke noqtaya hêzê hukmatê Şamî ci de yê, bombavaran kerd. Hêriş de 10 leşkerê hukmatê Şamî merdî, 5 zî birîndar bî. Semedo ke serê herême de liv û tevgerê teyareyan dewam keno, &nbsp;agahîyê zelalî nêameyê bidestkerdiş. Yeno vatiş beno ke hûmara leşkerê ke ameyê kiştiş zêdeyêr bibo.

	&nbsp;

	Serê herêmê Vakur û Rojhelatê Sûrîye de liv û tevgerê teyareyê keşfî yê bi çek û yê şerî dewam kenê.

	&nbsp;