
Ma do serewedaritişê Taksîmî berz bikerê 

2022-11-20 11:52:22


	&nbsp;

	&nbsp;

	STENBOL - Platformê Cinîyan ê 25ê Teşrîna Peyêne ra Sînem Ozkan da zanayîş ke ê do 25ê Teşrîna Peyêne de Tunelê Taksîmî de bê û vat, hemverê hêrişê vera kede, nasname û bedenî do têkoşînê xo gird bikerê.

	&nbsp;

	Emsar Stenbol de adresê 25ê Teşrîna Peyêne Roja Têkoşînê Mîyanneteweyî yê Hemverê Şîdetê serê Cinîyan, Tunelê Taksîmî yo.

	&nbsp;

	Cinî do bi sloganê, ‘Ma seba azadîya xo bêveng nêmanenê. Ma fek cuya xo ra vera nêdanê. Ma sereyê xo hemverê şîdetê camêrdan de nêtewênenê’ do cinîyî Tunelê Taksîmî de veng bidê. Platformê Cinîyan ê 25ê Teşrîna Peyêne Sînem Ozkan derheqê amadekarîyan de qisey kerd.

	&nbsp;

	‘Cinîyan têkoşîn berz kerd’

	&nbsp;

	Sîneme dîyar kerd ke hêrişê hemverê têkoşînê cinîyan zêde bîyê û tevgerê cinîyan her tim hemverê hêrişan de kuçeyan de têkoşînê xo berz kerdê û wina vat: “Îran de bi rayberîya cinîyan têkoşînêk yeno ciwîyayîş. Cinîyî bi hêrişan reyde bêrê rî bi rî zî fek ‘jin jiyan azadî’ ra vera nêdanê. Dewlete Kurdistan de polîtîkayê şerê taybetî hemverê cinîyan de kena. Nê çî hem dadgehan, hem zîndanan û hem zî pêro wareyê cuye de kena. Na nuqta de polîtîkaya bêcezaverdayîşî ya dewlete cesaret dano şikdaran. No bi hawayêkê sîstematîk dewam keno. Hemverê sîyasetmedaranê cinîyan ê &nbsp;Kurdan de zî hêrişêk taybet babeta vatişî ya. Pêwa rewşa giran a Aysel Tugluk binê tecrîdêk giran de yena tepiştiş. No zî polîtîkayê şerî yê dewlete mojneno.”

	&nbsp;

	Sîneme bala ant destbendkerdişê parlamentera Partîya Demokratîke ya Şaran (HDP) ya Amedî Semra Guzele ser û vat ke wextê destbendkerdişî de sereyê aye ame warvistiş û no caardiş hemverê têkoşînê cinîyê kurdî de ameyo kerdiş.

	&nbsp;

	‘Îtîraz bedelîyeno xoverdayîşî’

	&nbsp;

	Sîneme tewr peynî da zanayîş ke şîdetê camêrdî tesîrê xo dayo pêroyê wareyê cuye û coka ra cinîyî xoverd danê û û wina vat: “Îran de badê qetilkerdişê cinîya ciwan Jîna Emînî bi serkêşîya cinîyan serewedarnayîş pê ame. Nagîhan Akarsele netîceyê suîkastî de ameye qetilkerdiş. Garîbe Gezere zîndan de dinyaya xo bedelnaye. Nê pêro bîyî parçeyê berzkerdişê têkoşînî yê cinîyan. 25ê Teşrîna Peyêne de do cinî veng bidî xoverdayîşê Jîna. Ma do emserr 25ê Teşrîna Peyêne de saet 19.00î de Taksîm de bibê. Ma do serewedarnayîş û têkoşînê xo hîna zêde gird bikerê.”

	&nbsp;