
Startê 25ê Teşrîna Peyêne Amed de ame dayîş 

2022-11-18 15:18:21


	&nbsp;

	&nbsp;

	AMED - Platformê Cinîyanê Dicleyê Amedî û hemparê Torra Têkoşînê hemverê Şîdetî yê Amedî verê bînaya PTTyî de bi sloganê "Jin jiyan azadî" startê 25ê Teşrîna Peyêne dayî. Cinîyan dima ra tepişteyan rê qert şawitî.

	&nbsp;

	Platformê Cinîyan ê Dicle Amedî û hemparê Torra Têkoşînê hemverê Şîdetî yê Amedî verê bînaya PTTyî ya Qezaya Rezanî ya Amedî de çarçewaya 25ê Teşrîna Peyêne Roja Têkoşînê hemverê Şîdetê serê Cinîyan de ameyî têhet û startê çalakîyan ame dayîş. Xeylêk cinî &nbsp;beşdarê çalakîyan bî û pankartê "Jin jiyan azadî" ame akerdiş. Serê nameyê cinîyan de avûkatê Baroyê Amedî Îrem Yildiz eşkerayîye wend.

	&nbsp;

	Cinîyê ke têkoşînê azadîye danê ameyî silamkerdiş

	&nbsp;

	Îrema ke da zanayîş ke Wayê Mîrabalî yê ameyî qetilkerdiş anê vîr û wina vat: “Çayê dinya beno wa bibo, ma cinîyê ke têkoşîn kenê silam kenê, ma do çalakîyê xo hewteyêkê dewam bikerê û ma bi şawitişê qertan ê seba cinîyê tepişteyî dest pêkerd.”

	&nbsp;

	Îreme eşkerayîye de bale ant serê polîtîkayê şerê taybetî û neql kerd ke polîs û leşkerî yenê pawitiş. Sewbîna Îreme da zanayîş ke yeno waştiş çimê cinîyan &nbsp;bitersnê û vat, do pêwa pêro heme tedayan têkoşînê xo yê raşteyan dewam bikerê û vengê xo berz bikerê. Sewbîna vat, do cinî fek azadîya xo ra vera nêdê.

	&nbsp;

	Eşkerayîye bi sloganê, "Biciwîyo xoverdayîşê cinîyan”, "Jin jiyan azadî","Nagîhan Akarsele rûmeta ma ya" û "Ma bêveng nêbenê" peynî bi. Dimayê eşkerayîye qert cinîyê tepişteyan rê ameyî şawitiş.

	&nbsp;

	Bernameyê 25ê Teşrîna Peyêne ya Amedî wina ya:

	&nbsp;

	*19ê Teşrîna Peyêne /Îne&nbsp;

	&nbsp;

	Dimayê serdayîşê Dayîkê Aştîye do vilawikî bêrê vilakerdiş

	&nbsp;

	Ca: Parkê Koşuyoluyî

	&nbsp;

	Saete:12.00

	&nbsp;

	*20ê Teşrîna Peyêne/Yewşeme

	&nbsp;

	Do Nagihan Akersele û Jîna Mahsa Emînî bêrê yadkerdiş

	&nbsp;

	Ca: Bînaya KASEDî

	&nbsp;

	Saete: 17.00

	&nbsp;

	*21ê Teşrîna Peyêne/Dişem&nbsp;

	&nbsp;

	Atolyeyê Tekstilî rê ziyaret

	&nbsp;

	Serdayîşê Atolyeyê Tekstîlî&nbsp;

	&nbsp;

	*24ê Teşrîna Peyêne/Paşeme&nbsp;

	&nbsp;

	Do serdayîşê Nobeta Edaletî bêro kerdiş

	&nbsp;

	Ca: Verê bînaya Edliyeyî

	&nbsp;

	Saete: 11.00

	&nbsp;

	*25ê Teşrîna Peyêne/Îne&nbsp;

	&nbsp;

	Do Raporê Torra Şîdetî bêro wendiş

	&nbsp;

	Ca: Bînaya Baroyê Amedî&nbsp;

	&nbsp;

	Saete: 12.30

	&nbsp;

	*25ê Teşrîna Peyêne/Îne

	&nbsp;

	Rayîr ra şîyayîşê 25ê Teşrîna Peyêne yê Şewe&nbsp;

	&nbsp;

	Saete:17.00

	&nbsp;