
Nagîhan Akarsele cayê ke ameye qetilkerdiş ameye yadkerdiş 

2022-11-13 15:04:45


	&nbsp;

	&nbsp;

	MERKEZÊ XEBERAN - Endama Merkezê Cigêrayîşê Jineolojiyî, Rojnamegere û Akademîsyene Nagîhan Akarsele Silêmanîye de cayê ke ameye qetilkerdiş, ameye yadkerdiş. Merasîmê vîrardişî de sozê taqîbkerdişê rayîrê şehîdan ame dayîş.

	&nbsp;

	Endama Merkezê Cigêrayîşê Jineolojiyî, Rojnamegere û Akademîsyene Nagîhan Akarsele vizêr bajarê Silêmanîye de cayê ci de ameye qetilkerdiş, hetê Rêxistina Cinîyanê Azadan ê Kurdistanî û cinîyê azadîwaştoxî ra ameye yadkerdiş. Cinîyê cayê Nagîhan Akarsele ameye qetilkerdiş, deste gulî dayî û findî ameyî tavistiş.

	&nbsp;

	Serê nameyê RJAKî Sara Reza eşkerayîyêke wend û wina ame vatiş; “Ma demêke wina de şehîd Akarsele yad kenê ke cinî temamê dinya de hemverê fehmê pederşahî têkoşîn kenê. No aqilê hemverê cinîyan, nêwazeno cinî wayîrê name û nasnameyê xo bê. Seba nê zî cinîyan têkoşîn û azadîye kerdo hedefê xo. No tena Başûrê Kurdistanî de bi ca nîno, Rojhelat û Rojawanê Kurdistanî de zî cinî hemverê şîdetî û terorî serê lingan de yê. Rewşa nika ya Îranî nimûneyê tewr verê çiman de ya.

	&nbsp;

	Rayberê Şarê Kurdî Abdullah Ocalanî fikrê azadîya cinîyan ya sloganê ‘Jin, Jiyan Azadî’ nîşanê pêro dinya kerd. Nika zî temmaê dinya de vila bîyo. Semedo ke manaya cuye û azadî bihêzkerde yo. Şehîd Nagîhan Akarsele her tim hewl da xebata cinîyan Kurdistan de kom bikero, şehîdvistişê Nagîhane do nêbo sebebê vindarnayîşê têkoşînî. Ma sozê xo yê seba şehîdan reyna kenê, reyke bîn soz danê ma do heyf pederşahî ke Nagîhan Akarsele şehîd kerd, wedarnê.”

	&nbsp;

	Merasîm bi sloganê, ‘Şehîd nêmirenê’ peynî bî.

	&nbsp;