Avûkate Aryen Turane ameye veradayîş 2022-11-04 14:28:17     ÎZMÎR - Endama OHDyî Av. Aryen Turana badê îfadedayîşî hetê mehkemaya ke vejîya ra bi şertê kontrolê edlî û qedexeyê tebervejîyayîşî yê teberê welatî serbest ameye veradayîş.   Endama OHDyî Avûkate Aryene Turan Heyetê Pêroyî yê Baroyê Îzmîrî de 22ê teşrîna verêne de nameyê OHDyî ser o qisey kerdbi û qiseykerdişê xo de waştbi ke hêrişê kîmyewîyan wa bêrê cigêrayene, tepişteyê nêweşî bêrê veradayene. Aryene qiseykerdişê xo bi sloganê 'jin, jiyan, azadî' qedînabî. Serdozgerîya Komare ya Îzmîrî derheqê Aryene de 24ê teşrîna verêne de tehqîqatêk dabi destpêkerdene. Avûkate Aryen Turan vizêr amebî destbendkerdene û kontrolê weşîye ra dima ameye berdene bi Mudirîya Polîsan a Îzmîrî.    Ame zanayene ke Aryene badê îfadedayîşî hetê mehkemaya ke vejîya ra bi şertê kontrolê edlî û qedexeyê tebervejîyayîşî yê teberê welatî serbest ameye veradayîş.