OGKyî startê çalakîya 25ê Teşrîna Peyêne da 

2022-11-04 14:18:14


	 

	 

	STENBOL - OGKyî startê çalakîyê 25ê Teşrîna Peyêne Roja Têkoşînê Hemverê Şîdetê serê Cinîyan ê Kadikoyî da û venga tewrbîyayîşê çalakîyê 25ê Teşrîna Peyêne kerd.

	 

	Cinîyê Ciwanî yê Azadî (OGK) startê çalakîyê 25ê Teşrîna Peyêne Roja Têkoşînê hemverê Şîdetê serê Cinîyan yê Kadikoyî da û vengdayîşê tewrbîyayîşê çalakîyê 25ê Teşrîna Peyêne kerd. Cinîyan pankartê "Semedê Şorişê Cinî şorişê xo girs bikera" wedarnayî û kuçeyê Kadikoyî de rayîr ra şîyayîş kerdî. Welatijan bi çepikan paştdayîş dayî.

	 

	'Cinî xo ver danê’

	 

	Endama OGKyî Berfin Polate rayîrşîyayîş de qisey kerd diyar kerde ke cinî her ca de bi şîdetê camêrd dewlete reyde rî bi rî manenê û vat: “Cinî yenê qetilkerdiş û ma ver bi 25ê Teşrîna Peyêne şênê. Ma hemverê şîdetî sere wedarnenê. Polîsî nêvejênê vernîya kesê şîdetê cinîyan kenê, kesê cinîyan kişenê labelê vejênê vernîya kesê ke heqê cinîyan pawenê û  hemverê şîdetî vejênê. Ma sey cinî Kurdistan û Tirkîya de xo ver danê.”

	 

	Çalakî bi sloganan peynî bî.