Cinîyê Rojnamegerî: Do cinî nuştişê heqîqetî dewam bikerê

2022-10-31 15:56:15


	 

	ANQARA - Cinîyê rojnamegerî yê çarçewaya cipersayîşê Anqarayî de ameyî tepiştiş, bi mesajê neql kerdî vatî, ê do hemverê tedayan bêveng nêmanê, do cinî nuşteyê heqîqetî dewam bikerê.

	 

	Muxabîrê ma Habîbe Eren û Oznûr Deger yê ke çarçewaya cipersayîşê Serdozgeriya Anqarayî de 25ê teşrîna verêne de binê îşkenceyî de amebî destbendkerdiş, Mudura Karê Nuşteyî yê Ajansê Mezopotamyayî (MA) Dîren Yurtsever, muxabîrê MAyî Bêrîvan Altan, Denîz Nazlîm, Selman Guzelyuz, Yalçin, Ceylan Şahînli û Emrullah Acar 29ê teşrîna verêne de bi îdayê "endamîya rêxistine" nîmeyê şewe sewqê dadgehe ameyî kerdiş. Muxabîra MAyî Zemo Ağgoz ke çarçewaya eynî cipersayîşî de amebî destbendkerdiş û Mehmet Gunhan ke demêk buroyê MAyî yê Anqarayî de staj kerdêne, bi hepsê keye û kontrolê edlî ameyî veradayîş.

	 

	Serdeştişê keyan, destbendkerdişê 4 rojan ê midûrîyê polîsan û caardişê hemverê rojnamegerê ke heta berdî edliye rastê îşkence, tehdîd û heqaretan ameyî, ne hetê dozgerî û ne zî hetê dadgerî ra nêame vînayîş.

	 

	Rojnamegerê cinî yê bi avûkatanê xo dir pêvînayîş kerdî mesaj dayî û wina vatî: 

	 

	'Do cinî nuşteyê heqîqetî dewam bikerê'

	 

	Habibe Eren: 99ine serrgêra Komare de sey mîzansenekî ez bi embazanê xo reyde ameye tepiştiş. No tepiştişo yewin nêyo û do nêbo diyîn zî. Semedê ma tarîx tena reynakerdişî dir bi ca yeno. Roja ke ma na meslega xo dewam kenê, ma bî şahidê xeylêk çîyan. Ma dî polîsê îşkencekarî ma zî bi îşkence destbend kerdî. Ma do sey cinî nuşteyê heqîqetî dewam bikerê. Bi hêviya pêvînayîşê rojê azade de. Ma baş ê, moralê ma baş o, ez her kesî bi coş silam kena. 

	 

	'Ma do adetê çapemenîya azade dewam bikerî’

	 

	Bêrîvan Altan: Amacê înan oyo ke rojnameger û çapemenîya azade biveng bikerî. La Çapemenîya Azade ke serranê 90an de tewrê versûcê kerdoxê înan nedîyar zî kare xo dewam kerdî û nêeşkenê bêveng bêrî veradayene. Ê 9 embazanê ma yê rojnamegeran tepiştî, la ma do bi desan embazê xo yê neweyan reyde adetê çapemenîya azade dewam bikerî.”

	 

	'Do çapemenîya azade bêveng nemana’

	 

	Oznur Deger: Adetê çapemenîya azade bi qetilkerdiş, tepiştiş, tedaû zextan heta ewro nuştişç heqîqetî dewam kerda. Ma berhemê Gurbeteli Ersoze yî. Do çar dêsî nêeşkî kaleme ma deste ma ra bigêro û do çapemenîya azade bêveng nemana.

	 

	'Cayo ke mendo ra ma do dewam bikerî’

	 

	Ceylan Şahinli: Mekano ke ma tede manenî nêeşkeno kare ma yê rojnamegerîye rê bibo asteng. Ma do sey berhemê Musa Anterî cayo ke mendo ra dewam bikerî. 

	 

	'Ganî ma wayîrê rojnamegerîye vejîyî’

	 

	Diren Yurtsever: Sebebê tepiştişê ma rojnamegerîye yo. Çîyo ke ma kenî pawitişê ma nîyo, pawitişê rojnamegerîye yo.  Umudê ma her het ra oyo ke wayîrê rojnamegerîye bivejîyo. Operasyonêk algiyî yeno rayraberdiş. La çîyo ke raştîye de yeno waştiş ke bêro kerdiş, nimitişê raştîye yo. Wexto ke ma destbend kerdî waştî ke sereye ma çewt bikerî. Ma sere çewt nêkerd. Ma rojnamegerîya heqîqetî de israr kenî. Ma vanê ke çapemenîya azade nêeşkena bêra bêvengkerdiş.  Moralê ma baş o. Ma herkesê ke paştî dayî ma rê sipas kenî. Ma kam ca de bibî zî ma do nuşateyê xo dewam bikerî.