
Rojhelatê Kurdistanî de xoverdayîşê şarî girs beno 

2022-10-28 15:21:12


	&nbsp;

	&nbsp;

	MERKEZÊ XEBERAN - Xeylêk şaristananê Rojhelatê Kurdistanî û Îran de çalakîyê şermezarkerdişî dewam kenê. Bi taybetî şaristananê kurdan de çalakîyî pîl benê. Goreyê Rêxistina Efû şanê çarşemeyî ra nata 8 kesî ameyê qetilkerdene.

	&nbsp;

	16ê êlule qetilkerdişê Jîna Emînî ra nata şarê Rojhelatê Kurdistanî û Îranî payan ser de yê. Bi taybetî 26ê teşrîna verêne de roja 40. ya qetilkerdişê Jîna de Rojhelatê Kurdistanî de nawnayîşî resayî astêka newîye.

	&nbsp;

	Rixmê gef û hêrişanê hêzanê dewlete zî bi hezaran kesî vejîyayî meydanan. 27ê teşrîna verêne de şaristananê Mahabad, Bokan, Pîranşar, Serdeşt, Bane, Seqiz, Dîwander, Dêwlan, Kamyaran, Sine, Kirmaşan û Îlamî yê Rojhelatê Kurdîstanî de û şaristananê bînan de çalakîyî ameyî kerdene.

	Mahabad de hêzanê dewlete şar da guleyan ver. Xeylêk dezgeh û bankayê dewlete hetê şarî ra ameyî vêşnayene. Bînaya qeymeqamîye zî kewte binê kontrolê çalakîkeran. Ame parekerdene ke hêrişanê dewleta Îranî de xeylêk çalakîkerî ameyî qetilkerdene û birîndar bîyî.

	&nbsp;

	Bane de hêrişanê dewlete de 2 kesî ameyî qetilkerdene, Dîwandere de 2 kesî birîndar bîyî. Lorîstan de Xuremawa de hêzanê dewlete çalakîkerî dayî guleyan ver, Birucêrd û Miyandwa de çalakîyanê şermezarkerdişî dewam kerd. Xeylêk şaristanan de hêzanê Îranî verê xoverdayîşê şarî de neçare mendî ke xo apey biancê.

	&nbsp;

	Kerec, Meşhed, Erak, Şuş, Zahidan û şaristananê bînan ê Îranî de zî çalakîyê şermezarkerdişî ameyî kerdene. Goreyê Rêxistina Efû şanê çarşemeyî ra nata 8 kesî ameyê qetilkerdene. Şaristanê Amolî de zî 2 endamê Besîcî kişîyayî. Goreyê rêxistinanê heqanê merdiman û muxalîfan destpêkê serewedaritişî ra nata tewr tay 260 kesî ameyê qetilkerdene û bi des hezaran kesî ameyê destbendkerdene. &nbsp;

	&nbsp;