Îfade dayîşê rojnamegeran dest pêkerd 

2022-10-28 14:09:37


	 

	 

	ANQARA - Rojnamegerê ke bi hawayêko peynî ra destê înan bi kelemçekerde ameybî destbendkerdiş, berdî Edlîyeya Anqara û îfade dayîşê xeberan dest pêkerd. Îfadeyê rojnamegeran hetê 9 dozgeran ra bi hewayêko hemwextî yeno girewtene.

	 

	25ê teşrîna verêne de rojnamegerê JINNEWSî Habîbe Eren û Oznur Deger, Mudira Karanê Nuştuşî ya Ajansê Mezopotamya (MA) Dîren Yurtveser û muxabîrê MA Deniz Nazlim, Selman Guzelyuz, Zemo Aggoz, Bêrîvan Altan, Hakan Yalçin, Emrullah Acar û Ceylan Şahinli û rojnameger Mehmet Gunhan pê îşkenceyê polîsan ameyî destbendkerdene. Ame zanayene ke rojnameger Derya Rene çarçewaya cipersayîşêko cîya ra bi îdîayê cezaya aye ameya tesdîqkerdiş, ameye destbendkerdene.

	 

	Rojnamegerê destbendkerdeyan badê 4 rojan seba îfade dayîşî berdî Edlîyeya Anqara. Mudirîya Polîsan ya Anqara roja destbendkerdişî de muracatê raybazanê mîzansene dabî û seba dîmenanê rojnamegeran bigira hewl dabî sereyê înan çewt bika. Mîzansenê polîsan ewro zî dewam kerd. Rojnamegerê destbendkerdeyî bi hawayêko pey ra kelemçekerde berdî Edlîyeya Anqara û ame zanayene ke înan qaseyê 60-70 metre dûrê yewbînan tê dima bi payan berdî zerreye edlîye û dîmenê înan ameyî girewtene.

	 

	Îfadedayîşê rojnamegeranê JINNEWS û MAyî yê ke ardî Edlîyeya Anqara dest pêkerd. Îfadedayîşê înan hetê 9 dozgeranê cîyayan ra bi hawayêko hemwet yeno girewtiş.