
Raporê otopsîyî yê Fîrdevse: Bi îşkence ameya qetilkerdiş 

2022-10-28 13:57:22


	&nbsp;

	&nbsp;

	ŞIRNEX - Raporê otopsîyî yê Fîrdevs Babata ke qezaya Qilabanî de hetê kiştox Ahmet Babat ra amebî qetilkerdiş, rêçê îşkenceyî ameyê vînayîş.

	&nbsp;

	Bajarokê Sêgirkî yê qezaya Qilebanê Şirnexî de cenazeya Fîrdevs Babata 17 serrî ke 18ê tebaxe de Qilaban de vînî bîbî, qeraxê Çemê Hêzilî yê 15 kîlometreyan dûrê qezaye, mabêne di kerreyan de amebî vînayîş. Bi eşkerabîyayîşê serebûtî dir kiştox Ahmet Babat amebi tepiştiş. Yeno vatiş ke Fîrdevs Babate bi çeka qorîcî Ramazan Babatî yê birayê Ahmet Babatî ra ameya kiştiş.&nbsp;

	&nbsp;

	Raporê otopsî de ameyo dîyarkerdiş ke îşkence Fîrdevs Babate rê ameyo kerdiş û dima ra bi çeke ameya qetilkerdiş. Sewbîna raporê otopsî de serê bedenê aye de birîn û rêçê hêrişê cinsî zî ameyê tespîtkerdiş.

	&nbsp;

	Rapore de ame dîyarkerdiş ke dormeyê çimê aye yê raştî de şopê derbi dîyayî û birin estê. Sewbîna ame vatiş ke birînê ke ameyo tespîtkerdiş û birînê peynîya goşê aye yê çepî de 12 santîmetre dergê û santîmetreyêk û nîme zî xorînê esto û birînê zendê aye yê çepî de zî 2 cm dergê û santîmetreyêk zî xorînîyê esto. Rapor de dîya zanayene ke orteyê sîneyê aye de 2,5 cm, hetê raştî de 1 cm, zendê aye yê çepî de 1 cm û binê zende aye yê raştî de zî 1 cm, mîyanê paştîya aye û lingê raştî de 1 cm dirnayîş estê. &nbsp;

	&nbsp;

	Heto bîn de raporî de ame tespîtkerdiş ke serê ling û cayê genîtalî yê Fîrdewsî de birînêko akerde ke qaseyê 15 santîmetreyan xorînî û hetê corî yê milê aye de birênêko qaseyê santîmetreyêk û mîyanê qorrikanê aye de zî 15 santîmetre xorînê û 2 santîmetre hîrayê, linge aye de birînêk û zende aye yê çepî de birînêk qaseyê santîmetreyêk estê.

	Vîşêrê înan ame vatiş ke bedenê Fîrdevse de herinda 6 guleyê çekî ameyî tespîtkerdiş.&nbsp;

	&nbsp;