Cuye xoza reyde derbaz bena 

2022-10-26 11:54:23


	 

	 

	WAN - Macîde Varhane kedkara keyeyî ya û serê sibayî lez dest bi roje kena bale ante têkilîya cinî ya xozaye reyde û vat: “Ez dewe de bax û baxçeyanê xo de berardiş kena. Ez gidayan bi keda destê xo virazena.”

	 

	Sîstemo serdest yê camêrdî her raşteyê cuye de keda cinîyan binpay keno, vera ci de têkoşînê kede yê cinîyan her raşteyê cuye de xo dano teber. cinîyê ke keye, gure, raşte û har raşteyê cuye de raştê nêseyyewbînanîye yenê, vera nê caardişan dest bi xozaye ra vera nêdanê û têkoşînêko zehmetin danê. Macîde Varhana 43 serrî raşteyê cuya xo bi ekolojî reyde kerda yew û raşteyo ke tede manena dewlemend kerda. macîde 30 serrî yo ke dewa Lamîzgirtî ya Wanî de cuyena. macîde bale ancena serê ked û hêza cinîyan. macîde ya ke serê sibayî lez wirzena, dest bi kar û xebatan kena, mîyanê roje de erd û heywananê xo reyde meşgul bena.

	 

	Miyane xozaye de cuyena

	 

	Macîde bi akewtişê roje reyde dest bi roja xo kena, gureye rojane plan kena û dest bi xebatî kena. Macîde ya ke esasanê fikrê ekolojî ser de cuya xo domnena, têkilîya aye ya bi heywanan reyde zî xeylê baş a. Macîde wina dest bi qiseykerdişê xo kerde: “Ez serê sibayî lez şina heywananê xo ver. Ez wirzena û hewnanan çir kena. Şitê heywananê xo roşena. Ez bi pereyê xo lazimîyanê keyeyê vînena. Wayîrkerdiş û vejîyayîşê organîkî zaf muhîm o. Coka ra ez şitê organîkî roşena. Na rewşe mi xeylê kêfweş kena.”

	 

	‘Wextê mi veng derbaz nêbeno’

	 

	Macîdeye daye zanayîş ke zehmetîyê her mewsîmî cîyayê û vişêrê wayîrkerdişê heywanan karê baxçe û bostanan reyde zî meşgul bena. Macîdeye dewamê qiseykerdişê xo de wina vat: “Taybetî zimistan zehmetin o. Wextê hamnanî de ma bostananê xo çinenê. Barê aşmanê hamnanî giran o. Hamnan de hem baxçe, hem rez û hem zî heywan reyde merdim meşgul beno. Wextê mi dekerde vîyareno.”

	 

	‘Krîzê ekonomî ma ser de zî tesîr kerd’

	 

	Macîdeye bale nate rindîya cuya dewe û qiseykerdişê xo wina qedênaye: “Ez her çîyî bi keda destê xo wena û berardiş kena. Ez bostananê xo de her çî ronena. Dewijî pêro wina yê. Ma bi rez, baxçeyan û heywanan reyde eleqedar benê. Çimeyê debara ma weyekerdişê heywanan o. Ma bi beradişê şitî debara xo kenê. Nika krîzê ekonomî ver ama zehmetîyan ancenê. Ma teberî ra çîyêk nêherînenê. Ma heme çî baxçeyê xo ra benê keye.”