Kampanyaya ‘Ez cuye ya’ dest pêkena

2022-10-21 15:27:01


	 

	 

	MERKEZÊ XEBERAN - Bi amancê paştdayîş, bi cinîyê rojhelatê Kurdistanî dir, Îran û Afganistanî de bi sloganê "Jin jiyan azadî" kampanya "Ez cuye ya" ame destpêkerdiş.

	 

	Komêke cinîyê erebî ke rêxistinê cinîyan û cinîyê xoser mîyanê înan de ca gênê. Cinîyê erebî mîyanê de ca gênê, semedê ke paştdayîş bidê cinîyê rojhelatî Kurdistanî, İran û Afganistan de 17ê teşrîna verêne de kombîyayîş kerdî.

	 

	Netîceyê kombîyayîşî de qerarê destpêkerdişê kampanyayêke mîyanneteweyî yê bi nameyê "Ez Cuye ya” ke bi metodê hashtagî bi sloganê, "Jin, Jiyan, Azadî" medyaya dîjîtalî de ame parekerdiş. Sewbîna ame dîyarkerdiş ke semedê paştdayîşê serewedaritişê wendekarê Îranî 29-30ê teşrîna verêne de protestoyê mîyanneteweyî do bêrê organîzekerdiş. Eynî wextî de 22yê teşrîna verêne de hetê Koma Cinîyê "Feminîstê Berlînî" do verê Dêsê Berlînî de çalakî bikerê.

	 

	Yew qerarê bînî yê rêxistina çalakîye o bi ke bi taybetî welatê Rojhelatê Mîyanên, neqlkerdişê serewedaritişê cinîyan serê keyepelî û nuştiş û weşanayîşê meqaleyê bi ziwanê erebkî, kurdkî, fariskî, ingilîzkî û herêmî yo.

	 

	Maddeye peyîn ê qerarnameyî amadekerdişê dîmenê, bi erebkî, kurdkî, fariskî, îngilîzkî û ziwanê bînî yê Rojhelatê Mîyanên û vakurê Efganistanî bi, da ke bala cinîyê bînan biancê û beşdarê kampanya bibê.