
Tutan desteştişê sîstematîkî vetî werte 

2022-10-19 11:29:18


	&nbsp;

	&nbsp;

	Oznur Deger

	&nbsp;

	ÎDIR - Desteştişê cinsî di wayan rê amebi kerdiş û dimayê gerrekerdişî vejîya werte ke şikdar M.O tutanê bînan zî tacîz kerdo. Keyeyê şikdarî, keyeyê ke gerre kerdê zî tehdîd keno.

	&nbsp;

	Îdir de di wayî hetê kesê bi nameyê M.O ke taxe de esnafî keno ra ameyî tacîzkerdiş. Tutan rewşe dayîka xo M.K ra vatî û nê serde vejîya werte ke eynî taxe de tutê bînan zî tacîz kerdo. Nê ser de M.K û hîrê keyeyê bînî gerre kerdî û şikdarê tacîzî M.O ame tepiştiş. La ame zanayîş ke merdimê şikdarî M.K tehdîd kerdê.

	&nbsp;

	Tutan yewbînan ra vat vejîya werte&nbsp;

	&nbsp;

	M.K ke şikdarê ke tutan tacîz kerd, gerre kerde, hetê merdimê şikdarî ra ameye tehdîdkerdiş û netîceyê tehdîdan de mecbûr mende taxe ra bar bikera. M.K derheqê serebûtî de wina vat: “Kênayanê mi vernê de serebûtî yewbînan ra vatê. Dim ara musenê ke her di zî ameyê tacîzkerdiş. Dima ra taxe de çend embazanê xo ra vatê. Înan zî eynî çî ciwîyayê. Nê ser de serebûtî ameyî mi ra vatî.”

	&nbsp;

	Şikdarî tutan tehdîd kerdo

	&nbsp;

	M.K dîyar kerd ke şikdarî tutan tehdîd kerdo û vato, ‘Şima kesî ra vajê ez o keyeyê şima serê şima de xira bikerî. Ez o zirar bidî wayê û birayanê şima.’ M.K wina qal kerd: “Tutan tersan ra çîyêk kesî ra nêvato. Ez wina bawer kena ke na rewşe demêko derg dewam kerdo.”

	&nbsp;

	Verê zî eynî sucî ra tepişte mendo

	&nbsp;

	M.K wina dewam kerd: “Dimayê ke tutanê mi rewşe qal kerd û vejîya werte ke tutê bînî zî ameyê tacîzkerdiş, ma bi keyeyan dir ameyî têhet. Hîn keyeyan semedê nêzdîbîyayîşê komelî dûr vindertî. Vernê de şîya Şubeyê Tutan, dima ra şîya dozgerîye. Polîsanê Şubeyê Tutan vat, ‘oyo ke tutan tacîz kerdo M. O yo?’ Mi zî vat, o yo. Nê ser de vatî, ‘ma xora derheqê ey de cipersayîş dayo destpêkerdiş.’ Ez xeylêk hêrs bîya. Semedo ke tutan tacîz kerdo, la tu tedbîr nêameyo girewtiş. Mi vat, şima çira ey nêtepişto? Xeylêk tutî ameyê tacîzkerdiş. Ma musayî ke şikdar eynî sûcî ra verê zî kewto zîndan.”

	&nbsp;

	‘Tersan ra nêşina mektebe’

	&nbsp;

	M.K dewam de dîyar kerd ke tutê bînî ke ameyê tacîzkerdiş zî gerre kerdê û vat: “Tutan ma ra vat, ma bi keyeyê bînan dir ameyî têhet. Ma çar keyeyan muracatê sûcî kerd.”

	&nbsp;

	Yena tehdîdkerdiş

	&nbsp;

	M.K dîyar kerd ke derheqê şikdarî de gerre kerdê la yenê tehdîdkerdiş û wina vat: “Semedo ke mi gerre kerdo, derheqê mi de nêbaş qisey kenê. Vanê ti îftîra camêrdî rê kena. De vajê, mi îftîra eşto la keyeyê bînî. Nê keyeyê bînî çira gerre kenê? Gelo pêrûnan îftîra kerdo? Bi nê vatişan wazenê ke ma bêveng bikerê. Ez semedê teda û tehdîdan taxe ra vejîyaya. Tutê mi tersan ra nêefterenê şêrê mektebî.”

	&nbsp;

	‘Wa bêceza nêmano’

	&nbsp;

	M.K tewr peyîn vay: “Wa cezayê ke heq kenê bigîrê. Wa tutê bînî na rewşe nêciwîyê. Dosya hema sewîyeya cipersayîşî de ya. Gumanbar zî tepişte yo. Heta gumanbar nêro cezakerdiş, ez o fek dewa ra vera nêdî.”

	&nbsp;