'Zîhnîyetê camêrdan cinîyan hedef gêno' 

2022-10-10 09:12:41


	 

	Melîke Aydin

	 

	ÎZMÎR - Komîsyonê Cinîyan ê ÎHDyî Cemîle Karakaya da zanayîş ke şerê ke camêrdî danê despêkerdiş, tewr zêde cinîyan hedef gênê û aştî zî hetê heme  kesê teberê zîhnîyetê serdet ê camêrdan vînenê, eşkeno bêro munayîş. Cemîle dîyar kerd ke tewr zêde heqê cinîyan o ke şerî ra vajê nê.

	 

	Merkezê Pêroyî yê Komeleya Heqê Merdiman 1ê êlule Roja Aştîye ya Dinya de dîyar kerdibi ke do her roja şemeyî ewilî yê aşme, bi amancê bale biancê serê şîdet û şerî do Nobeta Aştîye bikerê. Dimayê nê ÎHDyê Îzmîrî dest bi nobete kerd û aşma diyîne de bi temayê ‘cinî aştîye wazenê' nobete bikerê.

	 

	Nobeta ke xeylêk sazgehê cinîyan, partîyê sîyasî, rêxistinê komela sivîl û welatijan zîyaret kerd de, ame dîyarkerdiş ke şer hetê camêrdan ra yeno destpêkerdiş û tewr zêde cinî hedef yenê girewtiş.

	 

	Komîsyonê Cinîyan ê ÎHDyî Cemîle Karakaya derheqê Nobeta Aştîye de qisey kerd.

	 

	Cemîle da zanayîş ke rejîmê tedayî, semedo ke bîyayîşê xo dewam bikerê, muracatê şîdetî kenê û vat: "Rejîmê tedayî cinîyan rê şîdet meşrû keno. Nê sey  binpaykerdişê heqî nêvîneno. Şer cuya merdiman, eynî wextî de cuya cinî çin keno. Dimayê şerî cinî feqîrî ancenê. No semed ra tewr zêde heqê cinîyan o ke şer ra vajê nê."

	 

	‘Ganî tewr zêde cinî vajê nê'

	 

	Cemîle dewam de wina vat: “Cinîyê multecî, cayê şerî ra vejênê û şinê cayê cîya. Cayê ke bi ca benê, hewl danê cuya xo dewam bikerê û sey hêzê karî yê erjan şuxulênê. Rewşa sey emrê qij de zewac, vatişê babete yo. Çareserî zewac de vînenê. Travma û şîdetê diyîn ciwîyenê. Semedo ke tewr zêde cinî şîdet vînenê, tewr zêde ganî cinî şîdet ra vajê nê."

	 

	'Tewr zêde cinî bi tesîr benê'

	 

	Cemîle wina qedêna: "Yew hetê bîn ê şerî no yo ke texrîbatê ekonomî esto. Reyna tewr zêde cinî ci ra tesîr benê. Cinî mecbûr manenê, bi pereyêko kêmî bişuxulîyê. Cinî bi saetan şuxulênê û keda înan yena binpaykerdiş. Ganî ma cayê ke şer esto, vajê aştî. Ganî cinî aştî bimunê."