Xeylêk bajaran de do şar hemverê komployî bikewo meydanan 

2022-10-08 15:50:33


	 

	MERKEZÊ XEBERAN - Xeylêk bajaran de 24ine serrgêra Komployê Mîyanneteweyî do bi çalakî û rayîr ra şîyayîşî bêrê protestokerdiş. Amed, Stenbol, Anqara, Colemêrg û Îzmîr de bi sloganê, “Ma ver bi azadîye rayîr ra şinê" do rayîr ra şîyayîş bêro organîzekerdiş.

	 

	Rayberê PKKyî Abdullah Ocalanî 9ê teşrîna verêne serra 1998ine de bi komployêkê mîyanneteweyî Sûrîye ra ame vetiş. 24ine serrgêra Komployê Mîyanneteweyî xeylêk bajaran de bi çalakî û rayîr ra şîyayîşî yeno protestokerdiş. Fînalê çalakîyan do siba bi rayîr ra şîyayîşê, “Ma ver bi azadîye rayîr ra şinê" bêro kerdiş. Na çarçewa de sere de Amed, Wan, Stenbol, Anqara, Colemêrg û Îzmîr de xeylêk bajaran de do bi hezaran kesî vejîyê meydanan.

	 

	Bernameyê çalakî û protestoyê 9ê teşrîna verêne wina yê: 

	 

	Amed

	 

	Do siba saete 15.00ine de bi rayberîya Tevgerê Cinîyan ê Azadan (TJA), Partîya Herêmê Demokratîkî (DBP), Meclîsê Cinîyan ê Partîya Demokratîke ya Şaran (HDP), Komeleya Paştdayîşî û Paştdayîşê bi Keyeyê Merdimê Xo  Dergûşê Şaristanî de Vînî Kerdî (MEBYA-DER), Komeleya Paştdayîşî bi Keyeyê Tepişteyan dir (TUAY-DER), Hewldayîşê 78ine û Komeleya Huqûqnasê semedê Azadîye (OHD) do Cehdeyê Emekî yê Rezanê Amedî de rayîr ra şîyayîş bêro kerdiş.

	 

	Wan

	 

	Şar û Rêxistina DBPyî Wanî do siba saete 13.00ine de Kuçeyê Hunerî de bêrê têhet û dest bi rayîr ra şîyayîşî bikerê. Temsîlkarê Hemserekê Pêroyî yê HDPyî Tayîp Temel, parlamenterê HDPyî yê Wanî Sezaî Temellî, Muazzez Orhan û Mûrat Sarisaç zî do tewrê rayîr ra şîyayîşî bibê.

	 

	Colemêrg

	 

	Girse do Meydanê Azadîye yê Geverî de kom bibo û tîya ra ver bi bînaya HDPyî de rayîr ra şêro. Rayîr ra şîyayîş do saete 14.00ine de dest pêbikero û parlamenterê HDPyî Habîp Eksîk, Şevîn Coşkun û Saît Dede zî tewr bibê. 

	 

	Stenbol

	 

	Girse do bi rayberîya HDK, HDP, DBP, TJA, OHD, MATUHAYDER, MKM, ANYAKAY-DER, DAD û Komeleyê Cigêrayîşê Kurdî Kadikoy de kom bibê û saete 15.00ine de dest bi rayîr ra şîyayîş bikerê.

	 

	Îzmîr

	 

	Girse do siba saete 15.00ine de Basmaneyî de bêrê têhet û ver bi Sumerbankî de dest bi rayîr ra şîyayîşî bikero.

	 

	Anqara

	 

	Bi tewrbîyayîşê Endamê MYKyê HDPyî Dogan Erbaş û Parlamenter Alî Kenanoglû de saete 14.00ine de bînaya rêxistina HDPyî ya bajarî de panel bêro organîzekerdiş.

	 

	Mêrdîn

	 

	Sibe saete 13.00ine de girse Parkê Sîncar ê Qoserî de bêro têhet û dest  bi rayîr ra şîyayîş bikerê. 

	 

	Şirnex

	 

	Rayîr ra şîyayîş do siba saete 14.00ine de Cizîr de bêro organîzekerdiş.

	 

	Agirî

	 

	Do girse serê Cehdeya Îsmaîl Beşîkçî yê Bazîdî de kom bibo û ver bi bînaya HDPyî ya qeza şêrê. Hemserekê KCDyî Berdan Ozturk û parlamenterê HDPyî yê Agirî Dîlan Dîrayet Taşdemîr û Abdullah Koç zî do tewr bibê. 

	 

	Eskîşehîr

	 

	Do bînaya Rêxistina HDPyî ya Eskîşehîrî de panel bêro organîzekerdiş.