
Cinî bi hêrs ê: Yê ke vanê ‘Cinî cuye azadî’ do nêvinderê  

2022-10-06 10:36:02


	&nbsp;

	ÎZMÎR - Cinîyê ke hemverê qetilkerdişê Nagîhan Akarsele bi hêrs ê vatî: "Her kesê ke dinya de vanê, &nbsp;'cinî cuye azadî' do nêvinderê.”

	&nbsp;

	Endama Merkezê Cigêrayîşî yê Jineolojiyî, rojnamegere, editora Kovara Jinolojî û akademîsyene Nagîhan Akarsele Bajarê Silêmanî yê Herêma Federe ya Kurdistanî de bi hêrişê çekdarî dinyaya xo bedelnaye. Cinîyan hemverê qetilkerdişê Nagîhane kuçeyan de hêrsê xo mojnayî û na rewşe şermezar kerdî. Cinîyan dîyar kerdî ke eslê xo de Jinolojî bîyo hedef. Sewbîna cinîyan da zanayîş ke no bi hemkarîya PDK û MÎTî ameyo kerdiş.&nbsp;

	&nbsp;

	

	'Hêrişî bi destê dewletan yenê kerdiş’

	&nbsp;

	Însiyatîfê Wendekaranê Azadan ê Îzmîrî ra Bûse Aslan, da zanayîş ke Nagîhan Akarsele yew nameyê muhîm ê tevgerê azadîye bî û wina vat: "Embazê ma ewro Silêmanîye de bi hawayêkê sîstematîk bi hêrişê dewlete dir rî bi rî manenê û bi 11 guleyan yenê qetilkerdiş. Ma qetilkerdişê embazanê ma yê cinîyan ê verê zî zanê ke no çî bi destê dewlete beno. Ma zanê ma cinî bi têkoşînê xo yê hempar nê hêrişanê sîstematîk benê.”

	&nbsp;

	'Zihniyetê Jîna û Nagîhane qetil kerd eynî yo’&nbsp;

	&nbsp;

	Bûse bale ant serê polîtîkayê şerî yê xususî û wina vat: “Rojê vîyarte de Tehranê Îranî de Jîna Mahsa Amînî ameye qetilkerdiş. No reyna mojneno ke zîhnîyetê camêrdan ê serdest polîtîkayê şerî yê xususî serê cinîyan de kena. Heta nê polîtîkayî vînî bikerê, ma do xo ver bidê.”

	

	&nbsp;

	Hemkarîya PDK û Tirkîya&nbsp;

	&nbsp;

	Meclîsê Cinîyanê Ciwanan ê Partîya Demokratîke ya Şaran (HDP) Hanife Çaçan da zanayîş ke qetilkerdişê Nagîhane de hemkarîya PDK û Tirkîya esto û wina vat: "Ma nê aqlî polîsê exlaqî yê Jîna qetil kerdî zanê. No qirkerdiş hem hemverê cinîyan, hem zî hemverê şarê kurdî yo. Wa cinî bêveng nêmanê.”

	&nbsp;

	

	&nbsp;

	'Cinîyê ke têkoşîn kenê benê hedef'

	&nbsp;

	Endama Paştdayîşê Morî Zilan Kubat da zanayîş ke qetilkerdişê Nagîhane tesaduf nêyo û vat: “Ma semedê Nagîhane Îzmîr de kuçeyan de bî. Waya ma ameye kiştiş. Ma zanê nê serebûtî tesaduf nêyê. Xeylêk cinîyê ke têkoşînê azadîye danê, benê hedef û yenê qetilkerdiş. Ma do cayê Nagîhane ra têkoşîn dewam bikerê.”

	&nbsp;

	

	&nbsp;

	'Jineolojî hedefê dewletê îşxalkerdoxan o’

	&nbsp;

	Tevgerê Cinîyan ê Azadan (TJA) Derya Kandemir dîyar kerd ke bi qetilkerdişê Nagîhane dir dişminîyê hemverê şarê kurdî vejêno werte û vat: "Jineolojî hedefê dewletê îşxalkerdoxan o. Dewleta tirke ya îşxalkerdoxe û PDK nê hêrişan wazenê game bi cinîyanê kurdan peyser bidê eştiş. Eksê ci yê qirkerdişê kurdan tewr bi hêrs keno û beno sebeb ke cepheyê kurdan ê azadîye tewr xur bibo."

	&nbsp;

	Derya vat, no hêrişê hemverê nasnameyê cinîya azad û perçeyêkê polîtîkayê şerê xususî yo û vat, qetilkerdişê Sakîne Cansiz, Fidan Dogan, Leyla Şaylemez, Sêvê Demir, Pakize Nayir û Fatma Uyar zî nimûneyê hedefgirewtişê cinîyanê têkoşer o.

	&nbsp;

	Derya da zanayîş ke ê do nêbê temaşekerdoxê qetilkerdişan û hêrişê serê cinîyê têkoşer û vat: "Her kesê ke dinya de vanê, 'cinî cuye azadî' do nêvinderê.

	&nbsp;

	&nbsp;

	

	&nbsp;