
Semedê Nagîhan Akarsele çadira çalakîye ameye ronayîş 

2022-10-05 16:15:21


	&nbsp;

	MERKEZÊ XEBERAN - Akademîya Jineolojî ya Vakur û Rojhelatê Sûrîye, hemverê qetilkerdişê sîyasetmedarê cinî, Hesekê de çadirê çalakîye dayî ro.

	&nbsp;

	Akademîsyene, aktîvîste û edîtora Kovara Jineolojî û endama Merkezê Cigêrayîşê Jineolojî yê Silêmanîye Nagîhan Akarsele 4ê Teşrîna Verêne de taxa Bextiyarî ya bajarê Silêmanîye de bi hêrişêkê çekdarî ameye qetilkerdiş. Akademîya Jineolojîyê Vakur û Rojhelatê Sûrîye, semedê şermezarkerdişê hêrişê Hesekî çadira çalakîye da ro.

	&nbsp;

	Çadire, Parkê Rayber Apo ya taxa Nasira ya Hesekî de ameye ronayîş. Çadira çalakîye de fotografê têkoşerê ke hetê dewleta Tirke ra bi teyareyê bêmerdimî ameyê hedefgirewtiş; hemsereka Nuşteyê Hukm û Çaksazgehî Zeyneb Mihemed, Jîna Amînî û şehîd Nagîhan Akarsele ameyî daliqinayîş.

	&nbsp;

	Goreyê komîteyê amadekarî çalakîya çadire do 2 rojan dewam bikero. Yeno pawitiş ke roja yewine (5ê Teşrîna Verêne) de Akademîya Jineolojî eşkerayîyêke bido û sewbîna heyetê Kongra Star, Meclîsê Keyeyê Şehîdan yê Hesekî, Yewîya Cinîyanê Ciwanan û cinîyê ke pêro pêameyîşî de yê, bêrê pêşwazîkerdiş.

	&nbsp;

	Roja peyîn ê çalakîye de endamê sazgehê Îdarekarîya Xoser ê herêma Cizîrî û temsîlkarê TEV-DEMî û PYDyî beşdarê çalakîye bibê. Çalakîya çadirî do bi eşkerayîye peynî bibo.

	&nbsp;

	&nbsp;

	&nbsp;