'Guleyê ke veradayî Nagîhane veradayî cinîyanê Kurdan' 

2022-10-05 14:06:53


	 

	 

	 

	ANQARA - Sîyasetmedarî, derheqê qetilkerdişê endama Merkezê Cigêrayîşî yê Jîneolojî û edîtora Kovara Jîneolojiyî akademîsyene Nagîhan Akarsele ser o qisey kerdî û dîyar kerdî ke guleyê veradayê Nagîhane, veradayê fikrê azadîya cinîyanê Kurdan.

	 

	Endama Merkezê Cigêrayîşî yê Jîneolojî û edîtora kovara Jîneolojî  akademîsyene Nagîhan Akarsele bajarê Silêmanîye yê Herêma Federal a Kurdistanî de netîceyê hêrişê çekdarî de, ameye qetilkerdiş. Nagîhane ke bi serran bi  rojnamegerî û nuştoxî kerdêne, Silêmanîye de çarçewaya projeyê awankerdişê Akademîya Jîneolojî û sewbîna awankerdişê Kitabxaneyê Cinîyan ê Kurdistanî de xebate kerdêne.

	 

	Vervatoxa Meclîsê Cinîyan ê  Partîya Demokratîke ya Şaran (HDP) Ayşe Acar Başaran û parlamentera HDPyî ya Êlihî Feleknas Uca derheqê qetilkerdişê Nagîhane de reaksîyon mojnayî.

	

	‘Ma do fek îdiayê azadkerdişê komelî vera nêdê'

	 

	Ayşe, da zanayîş ke Nagîhane bi serran o cuya xo serê têkoşînê cinîyan û çapemenîya azade û semedê tedayê Tirkîya cuya xo Silêmanîye dewam kerd. Ayşe vat: "Nê prosesî de tu wext fek têkoşînî ra vera nêda. Serê Jîneolojî ke yewîneyêke cinî bî û tarîx newe ra bi perspektîfê cinî awan keno, xebate kerde û edîtorîya jîneolojî kerd. Ma baş zanê ke no qetilkerdiş, qetilkerdişêkê rêze ra nêyo. Tirkîya û her çar hetê Kurdistanî de cinî semedê azadîya xo, semedê ameyoxêke azad, semedê sîstemêkê demokratîk têkoşîn kenê û sere wedarnenê. Çalakîyê ke Îran de dewam kenê, netîceyê nê serewedaritişî û hemverê polîtîkayê cinîyan de yenê kerdiş ê. Cinî îfade kenê ke îdiayê înan ê azadkerdişê komelî esto, wayîrê îradeyê xo vejîyê û fek nê îdia ra vera nêdanê."

	 

	'Do hesab bidê cinîyan'

	 

	Ayşe sewbîna bale ant serê Jîna Mahsa Amînî ya Îran de hetê polîsanê ahlaqî ra ameya qetilkerdiş û vat, cinîyê semedê Jîna Mahsa xo ver danê, hetê hêzê rejîmê îranî ra hedef yenê girewtiş û vat: "Cinî hetê rejîmê faşîstî bî hedef. Embaza ma  ya Nagîhane zî bî hedefê sîstemê serdest ê camêrd, faşîst û netewperestî. Esas de mesajê ‘fek têkoşînî ra vera bidê, xo ver medê, sînorê ma de bimanê' danê pêro cinîyan. Ganî heme cinîyê dinya bizanê ke bahaneyê qetilkerdişê Jîna Amînî û Nagîhane eynî yo.  Mesajo ke îqtîdar dano ma, zelal o. Ganî hemverê nê de cewabê ma zî o bo ke ma fek têkoşînî ra vera nêdanê. Ma do cuya ke embaza ma Nagîhane xeyal kerdêne awan bikerê. Do qetî û qetî rejîmî hesabê qetilkerdişê cinîyan bidê. Do verê şaran û tarîxî de hesab bidê. Cinî do sloganê: Cinî Cuye Azadî, qet û qet terk nêkerê."

	

	'Gule dayî fikrê azadîya cinîyanê kurdan ro'

	 

	Feleknas Uca zî dîyar kerdir ke ewro reyna têkoşînê cinîyan û fikrê cinîyan serê Nagîhane de hedef ameyo girewtiş û vat: "Nagîhane semedê têkoşînê cinîyan kedêke pîl da. Silêmanî de demê peyîn de suîkastî bi ca yenê. Netîceyê konseptê şerê îqtîdarê AKP-MHPyî de no qetilkerdiş bi ca yeno. Do têkoşînê embaza Nagîhane qetilkerdişê aye zî bi sebebê qîrayîşê cinîyan. Sloganê, 'Cinî cuye azadî' tena sey sloganê cinîyan nêmend.  wê jî bû sedema qîrina jinan. Bi temsşlkarîyê fikrê têkoşînê cinîyanê Kurdan. Dimayê Jîna Mahsa ameye qetilkerdiş dima, xoverdayîşê ke ameyo destpêkerdiş de ganî semedê embaza Nagîhane zî dewam bikero. Qetilkerdişê cinîyê Kurdî, ganî pêro dinya de bibo sebebê serewedaritişî. Ez semedê keyeyê embaza Nagîhane, embazanê aye û şarê kurdî rê sersaxî wazena. Guleyê ke Nagîhane rijnayî, fikrê azadiya cinîyanê Kurdan rê rijnayî. Ma do hemverê nê têkoşînê Nagîhane hîn zêde pîl bikerê."