Îtirazê vera tepiştişê rojnamegeran reya hîrêne ame redkerdiş 2022-09-08 15:08:37       AMED - Îtirazo ke seba veradayîşê 16 rojnamegeran ê tepişteyan ame kerdiş, reyna ame redkerdiş.   16 rojnamegerê kurdî bado ke 8 rojan nezaretî de mendî, 16ê hezîrana 2022î de faalîyetanê rojnamegerîye vera Amed de ameyî tepiştiş. Avukatê rojnamegeran Resul Temur seba ke rojnamegerî bêrî veradayîş reyna muracatê mehkema dabî û îtiraz ame redkerdiş. Mehkema raya peyêne zî îtirazê seba tepiştişê rojnamegeran red kerde. No hirî aşmî yo ke rojnamegerî tepişte yî û raya diyîne zî îtirazê înan ame redkerdiş.   Avukatê rojnamegeran Resul Temurî muracatê 1. Mehkemaya Cezaya Sulhî ya Amedî dabî û dîyar kerdbî ke îtirazê ke o keno nînê cigêrayîşkerdiş û bi îfadeyanê matbuyan qerarê redkerdişî yeno dayîş. Resulî ard ziwan ke tepiştişê muwekîlanê ci binpaykerdişê heqê merdiman rê rayîr akeno û herinda ke muwekîlê ci  tepişte bibî bi şertê kontrole edlî eşkenê bêrî veradayîş. Resulî daye zanayene ke her çend ke o waşto muwekîlê ci bêrî veradayîş zî 1. Mehkemaya Cezaya Sulhî ya Amedî dîyar kerda ke do kontrolê edlî kêm bimano û qerarê dewamkerdişê tepiştişê rojnamegeran daya.