
‘AKP muftîyan sey mîlîtanê zîhnîyetê serdestî vîneno’ 

2022-09-06 14:54:44


	&nbsp;

	&nbsp;

	Melîke Aydin

	&nbsp;

	ÎZMÎR - Buroyê Cinîyan ê TÎPyî yê Îzmîrî Hazal Çakmak da zanayîş, muftiyê ke girêdayeyê Diyanetîyê seba xebatê weçînayîşî ameyê vendayîş û kombîyayîşî ey reyde ameyê kerdiş û vat: “Na rewşe yena manaya ke sînorê mabêne dewlet û AKPyî ameyê wedaritiş. AKP muftiyan sey mîlîtanê zîhnîyetê serdest yê camêrd vînenê.”

	&nbsp;

	Wezaretê Karê Diyanetî 15ê tebaxe de bi hawayêkê lezîng muftî kom kerdî û ame îdiakerdiş ke derheqê weçînayîşan de wina vatê, "Weçînayîşan rê 9 mengî mendo, wa her kes vejîyo wareyan, xebatan bikero. Ma do qezenc bikerê, ma do pîya qezenc bikerê, vînî bikerê zî pîya vînî bikerê. Ganî ma weçînayîşan vînî nêkerê.”

	&nbsp;

	Buroyê Cinîyan ê Partîya Karkeran ê Îzmîrî Hazal Çakmak derheqê babete de ajansê ma rê qisey kerd.

	&nbsp;

	‘Sînorê mabêne dewlet û AKPyî de ameyo wedaritişî yo’

	&nbsp;

	Hazale da zanayîş ke seba weçînayîşî muftî ameyê komkerdiş û vat: “Qeraranê şexsî yê muftiyan xoser bibo, na babete de venga dîndaran yeno kerdiş û bi tu hawayî nêno qebûlkerdiş. Ma Buroyê Cinîyan ê Partiya Karkeran ê Tirkîya caardişê derheqê weçînayîşî de qebûl nêkenê, &nbsp;bi tu hawayî wezîfe nêeşkeno seba memuran bêro dayîş. No zî mojneno ke sînorê mabêne dewlet û îqtîdarî ra ameyo wedaritiş, AKP sînorê siyasî ra wetayir, açaryayo rejîmêke.”

	&nbsp;

	‘AKP sey mîlîtan vîneno’

	&nbsp;

	Hazalê nê çî ardî ziwan: “Xebatanê weçînayîşî de wazenê ke dîndaran bikerê tevger. No zî yeno manaya îqtîdarê AKPyî bi hawayêke eşkera dewleta huqûqî û metodê laîkbîyayîşî binpay kena. Metodê laîkbîyayîşî, asayîşê heqê cuya cinîyan, beden, bîyayîşê îstîmlakî, perwerde û xebate yo. Rejîmê AKPyî wazenê zîhniyetê xo yê peyserî bi destê muftiyan vila keno. &nbsp;Muftiyan sey milîtanê zîhniyetê serdestî mojnenê, sey memurê kadroyî yê zîhniyetê serdest vînenê. Bi deste nê kesan ca û wezîfeyê cinîyan, bi nasnameyê ‘cinîya makul’ bi rayîrê waazan bi form kenê. Cinîyan binê nameyê ‘feqîrî la makul a’ hepsê sînoran kenê.”

	&nbsp;

	‘Çime seba qirkerdişê cinsî yeno kerdiş’

	&nbsp;

	Hazale tewr peyin nê vat: “Çimeyê ke seba propagandayî xebitneno, şert û mercê cuya cinîyan, wareyê îstîhdamê cinîyan, kreş, dibistanan ra yeno diznayîş. No welat de bi serran o, cinî bi bahaneyan yenê kiştiş û bi şîdet û teda cuya cinîyan kenê binê kontrol. Çimeyê dewlete û şarî bi destê dîndaran seba qirkerdişê cinsî, şîdet û tedayan yenê xebitnayîş. No zîhniyeto peyser nêno qebulkerdiş.”

	&nbsp;