
Ayşe Surucu: Fotografê înan kiştoxan reyde vejîya şerm nêkenê Semra kenê hedef 

2022-09-04 15:18:16


	&nbsp;

	&nbsp;

	Medya Uren

	&nbsp;

	AMED - Parlementera HDPyî ya Rihayî Ayşe Surucuye derheqê şiklê tepiştişê Semra Guzele de reaksîyon mojna û vat: “Kesê ke fotografê înan bi kiştoxê cinîyan reyde vejîyayê şerm nêkenê, Semra Guzele hedef mojnenê ra.”

	&nbsp;

	Parlamentera Partîya Demokratîke ya Şaran (HDP) ya Amedî Semra Guzele ke sey hedef ameye mojnayîş, destnêdayîşê aye ame wedaritiş û lezabez derheqê aye de cipersayîş ame destpêkerdiş û di roj verê Stenbol de ameye tepiştiş. Tepiştişê Semra destpêk de hetê Wezîrê Karê Zereyî Suleyman Soylu û Muduriyetê Emniyetî yê Stenbolî ra serê hesabê medyaya dîjîtale de ame neqlkerdiş. Goreyê dîmenê ke vejîyayê werte, demê destbendkerdişî de polîsan Semra rê şîdet kerdê û waştê ke serê aye bitewênê.&nbsp;

	&nbsp;

	Parlamentera HDPyî ya Rihayî Ayşe Surucu derheqê nêzdîbîyayîşê nîjadperestî yê Semraye rê ameyo kerdiş û reaksîyonê xo ajansê ma rê pare kerd.&nbsp;

	&nbsp;

	Ayşe bale ant serê destbendkerdişê Semra Guzele û vat: “Sîstemo bîyaye, sîstemo ke dişminîyê cinîyan û dişminîyê kurdan keno yo. Parlamentera ma ya Amedî Semra Guzele bi hêrişêk lêşin ameye destbendkerdiş û tepiştiş. Demê destbendkerdişî de polîsan waşt porê aye kaş bikerê û sereyê aye bitewênê. Bi nê dir wazenê mesajêkê akerde bidê kurdan û bi xususî zî cinîyanê kurdan. Wazenê vajê ma do bi nê rengî sereyê kurdan û cinîyanê kurdan bidê tewênayîş. Merdim vano qey Semra Guzele merdimî qetil kerdê, yan zî sucêkê giran kerdo.”

	&nbsp;

	‘Semra hedef ameye mojnayîş’

	&nbsp;

	Ayşe bale ant serê dîmenê destbendkerdişî û vat: “Bi serran o şerêkê esto no welatî de. Dewleta Tirkîya înkar bikero zî prosesêkê aştî ame ciwîyayîş. Semra sey doktorêke demê prosesî de şîya serdayîşê merdimêkê xo û uca fotograf anta. Antişê ê fotografan sey suc mojnenê. Ma eşkenê vajê rewşa Semra Guzele rastiya şarê Kurdî ya. Yê ke ê koyan de yê nê welatî ra yê. Senî ê fotografan servîs kerdî, destnêdayîşê Semra wedarnayî û vernîya rojêke zî aye destbend kerdî.”

	&nbsp;

	‘Do şarê Kurdî reaksîyonê xo bimojno’

	&nbsp;

	Ayşe dewam de wina vat: “Wezîrê Karê Zereyê Tirkîya parekerdişê ameyê kerdiş de vano ma Semra serê sucî de girewt û ma aye demo ke derbazê teberê sînorî bîne destbend kerd. Nê îddayî rast nêyê. Semra serê sînorî de nêameye tepiştiş. Stenbol de cayêkê ronişte de ameye tepiştiş. Ma na metodê aye tepiştişê Semra Guzele şermezar kenê. Ma reaksîyonê xo yê hemverê nê caardişê hemverê Semra nîşan bidê û vanê ke ma hetê şima dê yê.”

	&nbsp;

	‘Ma do kayanê înan veng vejê’

	&nbsp;

	Ayşe qiseykerdişê xo wina qedênaî: “Ma baş zanê ke wazenê bi nê çi mesajî bidê. Bi serran o hemverê sîstemê faşistî de têkoşîn ma danê. Ne kurdan û ne zî cinîyê kurdî hemberê nê sîstemî de sereyê xo nêtewênenê. Semra Guzel tena nêya. Heta peynî ma kîşta embaza xo de yê. Ganî îqtidar zî fek na polîtîkaya xo ra vera bido. Fotografê înan zî bi kiştoxan dir vejêno, labelê nê ra şerm nêkenê Semra Guzel sucdar kenê.”

	&nbsp;