Esnafê Colemergî: Ma nêeşkenê debara xo bikerê  

2022-09-02 12:34:14


	 

	COLEMÊRG - Colemêrg de seba krîzî bi taybetî zî esnafê cinî tesir bene, yew bi yewe dikananê xo padanê. Yildiz Sevînçe dîyar kerd ke heta zimistanî do xo ver bido, nêbo do verê xo bidê metropolan. 

	 

	Tirkîya de seba polîtîkayê şaşî yê zerre û teberî welat de bi mîlyonan merdimî, krîzê ekonomî dir têkoşîn kenê. Seba prosesê pandemî û zêdebîyayîşê dolarî rewşa esnafan her ke şina xira bena. Sewbîna seba zemê ke yenê kerdiş zî komel bi pêroyî tesîr beno. Yê ke tewr zêde bi tesîr benê, bêguman reyna cinî yê. Colemêrg de betalî serê sera 80yî yo. Sera 50 nifûsê bajarî cinî yê û esnafê cinî sera 8ê. Goreyê Yewîya Odaya Sanatkar û Esnafan ê Colemêrgî 6 mengê ewilî yê 2022yîn de Colemêrg de 18 esnafê cinî, seba ekonomîye dikan padayê.

	 

	Yildiz Sevînçe ke Geverîyê Colemêrgî de ciwîyena, dîyar kerd ke kafeya ke bi kedêke pîl akerda, nika seba krîzê ekonomî ra sewîyeya ke bigîro. Yildize da zanayîş ke seba debara xo bikera, do şêra bajaranê Tirkîya û uca de bixebityo.

	 

	‘Dimayê krîzî pîlî her çî vurnayî’

	 

	Yildize vat, serrêke verê bi hewesêk pîl  dest bi esnafî kerda la seba krîzê ekonomî dikan vurnayî û vat: “Seba krîzê ekonomî, rojê zehmetî ancenê. Ez ameya sewîyeya padayîşî. Seba  35 metrekare ware hezar TL kîra dana.  Ceyran, gaz, xida her çî vay bîyo. Ma nêeşkenê debara xo bikerê. Wexto ke ma ameyî dikan ma kontrat îmza kerd û konrat de vatêne, sera 50ine yan zî 60 do zam bêro kerdiş.”

	 

	‘Ez sey cinîyêke têkoşîn kena’

	 

	Yildize dewam de vat: “Ez nika kewta derdê fatureyan. Sey cinîyêke seba ekonomîye xo têkoşîn kena. Heta zimistanî ez o xo ver bidî. Eke ekonomî wina dewam bikero, ez o şêrî bajarê rojawanî. Do xeylêk kesî do şêrê. Wayîrê dikanan vayî zêde kenê. Ma zî mecbûr manenê.”

	 

	Yildize wina qedêna: “Ma esnafî rojê zehmetî ciwîyenê. Ganî na rewşe rast bibo. Her cayê Tirkîya de esnafî bibê yew, belkî çîyêk bibo. Ma xo VEDAŞî ra ancenê. Nê dir ma wayîrê dikanan zî ancenê. Goreyê pîlbîyayîş û ameyî qeza zam bêrê kerdiş, do kes wina zehmetîyan nêanco.”