
Amed û Edene de operasyonê destbendkerdişî 

2022-08-13 14:49:17


	&nbsp;

	AMED/EDENE - Amed û Edene de operasyonê destbendkerdişî de tewr tay 15 kesî ameyî destbendkerdiş.&nbsp;

	&nbsp;

	Qezaya Peyas û Farqînî ya Amedî de polîsan serê sibayî eşt serê xeylêk keyeyan. Taxa Huzurevlerî ya Peyasî de Muhsîn Acar û Dîlan Katal ameyî destbendkerdiş. Taxa Ferîdûn û Baglarî yê Farqînî de zî polîsan eşt serê keyeyan û Abdullah Arşîmet, Abbas Nakçî û Bariş Nakçî destbend kerdî. Ame neqlkerdiş ke polîsan Abbas Nakçî kuwayo û bi cilanê ey gonînan berdê emnîyet.&nbsp;

	&nbsp;

	Eynî wextî de sereştişê Amedî de Berdan Çelîk zî ame destbendkerdiş. Sebebê destbnedkerdişî nêame zanayîş û destbendkerdeyan berdî mudurîyê polîsan ê Peyas û Farqînî.&nbsp;

	&nbsp;

	Edene de tewr tay 9 kesî ameyî destbendkerdiş

	&nbsp;

	Edene de zî polîsan eşt serê keyeyan û tewr tay 9 kesî destbend kerdî. Her 9 kesî Mudurîyê Polîsan de yenê desteserkerdiş. Nameyê di kesê ke ameyê musayîş wina yê: Mahabad Bugdayci, Îbrahîm Dogan.

	&nbsp;