Keyeyê Şenyaşarî: Do têkoşînê ma dewam bikero 

2022-07-28 16:02:43


	 

	 

	RIHA - Roja 507ine Nobeta Edaletî de ame vatiş: "Dewaya ma heqîqetêk o. Do têkoşînê ma yê mîyanê sînorê qanûnî de dewam bikero!"

	 

	Merdim û pawitoxê parlamenterê AKPyî Îbrahîm Halîl Yildizî 14ê hezîrana serra 2018ine de Pirsûsê Riha de hêrişê dikanê keyeyê Şenyaşar kerd. Netîceyê hêrişî de cinî û 2 lajê dayîka Emîne Şenyaşare ameyî qetilkerdiş. Seba ke kiştoxî bêrê muhakemekerdiş û tepiştiş, Emîne Şenyaşar û lajê ci Ferît Şenyaşar ke qirkerdiş ra bi birîndarî xelas bibi, 9ê adara serra 2021ine de vernîya Edlîyeyê Riha de dest bi Nobeta Edaletî kerdibî. Çalakîya keyeyî roja 507ine de dewam kena. Emîne Şenyaşar nêweşe bî coka nêeşka beşdarê çalakîye bibo la lajê aye Ferît Şenyaşar saetê serê sibayî de ame vernîya Edlîyeyê Rihayî û “Quncikê edaletî yê keyeyê Şenyaşarî” dest bi Nobeta Edaletî kerd.

	 

	Keyeyî serê hesabê xo yê medyaya dîjîtale de nê par ekerd: “Kes nêeşkeno rastîya her kes pê zano  binimino. Yê ke hewl danê keyeyê ma sîya bikerê, nêzanê ke roje bi roje tewr kewenê sîlîke. Dewaya ma heqîqetêk a. Do têkoşînê ma yê mîyanê sînorê qanûnî de dewam keno!”