
Seba cismêkê leşkerî teqîya tutêkê birîndar bi 

2022-07-26 15:36:55


	&nbsp;

	&nbsp;

	WAN - Dewa Kiratî ya ke girêdayeyê qezaya Elbakî ya, netîceyê cîsmêkê leşkerî teqîya de tutêkê 12 serre H.E. bi xidarî birîndar bi.&nbsp;

	&nbsp;

	Dewa Kiratî ya ke girêdayeyê qezaya Elbakê Wanî ya, dewe de cîsmêkê leşkerî teqîya û tutêkê &nbsp;12 serre H.E. bi giranî birîndar bi. Serebût, serê siba dewa Kiratî de ame meydan. H.E. yo ke verê pesî de bi, cîsmê leşkerî ey ser de teqîya û bi giranî birîndar bi. Welatijan tutî wedarnayî Nêweşxaneyê Dewlete ya Elbakî û dimayê mudaxaleyê ewilî, tutî sewqê Merkezê Tibî yê Unîversîteya Yuzuncu Yilê Wanî kerdî.

	&nbsp;

	Pîyê tutî Hanîfî Eryilmaz ke Ajansê Mezopotamyayî (MA) rê qisey kerd, dîyar kerd ke qevdêkêke destê lajê ey tira bîya û çaqeyê ey rastî û serûçimê ey bi giranî birîndar bîyo. Hanîfî dîyar kerd ke lajê ey demêkê derg cayê serebûtî de birîndar mendo û vat: “Cayê serebûtî verê qişleyê leşkerî de yo. Pêwa nê zî mudaxale nêkerdê. Nika rewşa lajê mi zaf xidar a."

	&nbsp;

	Ame zanayîş ke tuto birîndar cayê giranan de yeno dermankerdiş.

	&nbsp;