
'Mi qalê serewedaritişî yê hunermendan ê kurdan kerd'  

2022-07-19 11:33:46


	&nbsp;

	&nbsp;

	Marta Somek

	&nbsp;

	STENBOL - Hunermende Suna Alan dîyar kerd, yew amancê aye oyo ke kilamanê kurdkî biresno xeylêk hetan û vat: "Mi qalê hetê serewedartişî yê hunermendan ê kurdan kerd."

	&nbsp;

	Suna Alan ke Kanîreşê Çewlîgî de ameya dinya û wayîrê hunera kurdî vejêna, dîyar kerd ke a bi kilamanê dengbêjan pîl bîya û vat, aye do heta peyîn wayîrê kultur û hunerê kurdî wayîr vejîyo.&nbsp;

	&nbsp;

	Sunaye da zanayîş ke aye demêk derg cuya xo dewe de derbaz kerda û wina vat: "Bapîrê mi şandînan ma rê xeberoşke vatêne. Serê weşikîya dewe de vîrardişanê xo qal kerdêne. &nbsp;Sewbîna mi zaf waştêne ke ez muzîkê kurdî bi şarê bînan dir zî bidî naskerdiş. No seba mi kêfweşî ya. &nbsp;Mi eynî wextî de serê cinîyê Êzidî ke bi qirkerdişê DAÎŞî dir rî bi rî mendî, kilaman vat. 2016ine de bi çarçewaya pêvînayîşê bi hîn sazgehê heqê merdiman û parlamenterê Îngilîzî de şîya Îngiltere. Mi bi aktivîste Nadia Murad ya Êzidî dir pêvînayîş kerd. Mi kilama bi nameyê 'Nadia' viraşt. Dimayê saetêke pêvînayîşî yê bi Nadia dir ez xeylêk bi tesîr bîya. Aye her ke qisey kerdêne, mi dejê serê milê xo tewr zêde hîs kerdêne. Seba paştdayîşê bi cinîyan ê Êzidîjan dir mi di konserî organîze kerd."

	&nbsp;

	Dargerînoke seba Nûdeme nuşt

	&nbsp;

	Suna, eynî wextî de seba Nûdem Duraka ke 22yê Nîsana 2015ine ra zîndan de yena tepiştiş û 19 serrî ceza seba ameye dayene, kilama &nbsp;Dargerînoke viraşta. Suna dîyar kerd; senîn beno cinîyêke seba kilaman vana, 19 serrî ceza gêna û vat: "Serê na cografya ma de, ma bi faşîzmê Kenan Evrenî dir rî bi rî mendî. O wext de goşdarîkerdişê kasetê bi kurdkî qedexe bî û kasetê kurdkî binê herre de ameyîne nimitiş. Xeylêk hunermendê kurdî seba kilamê kurdî vatê, nenûgê înan kok ra ameyî wedaritiş."

	&nbsp;

	'Mi qalê hetê serewedaritişî yê hunermendan ê kurdan kerd'

	&nbsp;

	Suna vat, bîne ke a zî vera Nûdeme de bîne û wina dewam kerd: "Seba ez zî kilamanê bi kurdî vana, bîne ke ez zî çîyêk winasî dir rî bi rî bimendêne. Çîyê ke yenê sereyê &nbsp;Nûdeme rewşêka newe nîyê ke yenê serê huner, ziwan û nasnameyê kurdan. Eke ma rewşa Nûdeme ra bêveng bimanê do siba seba ma zî her kes bêveng bimano. Kilama Dargerînoke seba Nûdeme mi nuşta, şexsê Nûdeme de seba her cinîyê ke mîyanê çar dêsan de yê."

	&nbsp;

	'Ganî mîraso kulturî bêro neqlkerdiş'

	&nbsp;

	Suna da zanayîş ke ganî merdim neslê newe ra qalê muhîmîyê nasnameyê kulturî bikero û wina vat: "Ganî mîrasê kulturî bi huner û edebiyat bêro neqlkerdiş. Ganî her kes kulturê xo û ziwanê xo bido ciwîyayîş."

	&nbsp;

	Nadia: https://www.youtube.com/watch?v=9jVUJFOASKU&t=276s

	&nbsp;

	Dargerînok: https://www.youtube.com/watch?v=et6ZUMuMV60

	&nbsp;