37 kesê ke amebî destbendkerdiş 4 ci ra ameyî tepiştiş 

2022-07-07 14:41:53


	 

	EDENE - Cipersayîşê derheqê Komeleya Kultur û Hunerî yê Bînevşe amebi destpêkerdiş de 37 kesî amebî destbendkerdiş 4 ci ra bi îdiayê “endamîya rêxistine” ra ameyî tepiştiş.

	 

	Çarçewaya cipersayîşê Serdozgerîya Komare ya Edeneyî ke 27ê hezîrane de derheqê Komeleya Kultur û Hunerî yê Binevşe de dabi destpêkerdiş; Edene, Mêrdîn, Wan û Amedî de bi îdiayê “Endamîya rêxistine” , “Ser nameyê rêxistine xebate kerdiş” erzîyabi serê xeylêk keyeyan zî. Sereştişê Komeleya Kultur û Hunerî yê Binevşe û xeylêk keyeyan de Hemsereka Partîya Demokratîke ya Şaran (HDP) ya Bajarê Edeneyî Helîn Kaya û Mehmet Karakiş û endamê Meclisê Partîye Ahmet Yildiz zî mîyan de bi pêroyî 37 kesî ameyî destbendkerdiş.

	 

	37 kesê ke ameyî destbendkerdiş dimayê 10 rojî destbendkerdişî sewqê edlîye ameyî kerdiş. Bi peynîbîyayîşê karûbarê îfadegirewtişî yê edliye zî dozgerîye bi waştişê tepiştişê şawit 2yin Dadgeha Sûlhî ya Cezaya Edeneyî. 

	 

	Endamê Komeleya Kultur û Hunerî yê Binevşe ra Îlyas Arzû, Ayşe Irmak, Mehmet Sarûhan û Mûrat Gurbuz ameyî tepiştiş.